ಕಾರ್ಕಳ : ಅಯೋಧ್ಯೆ ಶ್ರೀರಾಮ ಜನ್ಮ ಭೂಮಿಯಲ್ಲಿ ” ಬಾಲರಾಮ”ನ ಪ್ರಾಣ ಪ್ರತಿಷ್ಠಾ ಮಹೋತ್ಸವದಂದು ಕಾರ್ಕಳ ಅನಂತಶಯನದ ಬಳಿ ತೆಳ್ಳಾರು ರಸ್ತೆಯಲ್ಲಿರುವ ವಿ.ಕೆ. ಡೆಕೋರೇಟರ್ಸ್ ಸಂಸ್ಥೆಯ ಆವರಣದಲ್ಲಿ ಶ್ರೀರಾಮದೇವರ ಭಾವಚಿತ್ರದ ಎದುರು ದೀಪ ಬೆಳಗಿಸಿ, ಸಾಮೂಹಿಕ ಪುಷ್ಪಾರ್ಚನೆ ಮಾಡಿ ಸಂಭ್ರಮಿಸಲಾಯಿತು.ವಿ ಕೆ ಡೆಕೋರೇಟರ್ ಸಂಸ್ಥೆಯ ಮಾಲಕರಾದ ಶ್ರೀ ವಸಂತ ಕುಮಾರ್ ಭಟ್ ಕಾರ್ಯಕ್ರಮವನ್ನು ಸಂಯೋಜಿಸಿ ಸ್ವಾಗತಿಸಿದರು
ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದ ಖ್ಯಾತ ನ್ಯಾಯವಾದಿ ಶ್ರೀ ಮಣಿರಾಜ್ ಶೆಟ್ಟಿ, ಕೆಎಂಎಫ್ ಮಂಗಳೂರಿನ ನಿರ್ದೇಶಕರಾದ ಸಾಣೂರು ನರಸಿಂಹ ಕಾಮತ್ ಉದ್ಯಮಿಗಳಾದ ಶ್ರೀ ಸೌಜನ್ಯ ಉಪಾಧ್ಯಾಯ, ರತ್ನಾಕರ ಮರಾಠೆ ಮಾತನಾಡಿ, ಐದು ಶತಮಾನಗಳ ಸುಧೀರ್ಘ ಹೋರಾಟದ ಬಳಿಕ, ಲಕ್ಷಾಂತರ ಮಂದಿ ಹಿಂದೂ ಹೋರಾಟಗಾರರ ಪರಿಶ್ರಮ ತ್ಯಾಗ ಬಲಿದಾನಗಳಿಂದ ಸುಧೀರ್ಘ ಕಾನೂನು ಹೋರಾಟದ ಬಳಿಕ ಸುಪ್ರೀಂ ಕೋರ್ಟ್ ತೀರ್ಪಿನನ್ಮಯ ಅಯೋಧ್ಯೆಯ ಶ್ರೀರಾಮ ಜನ್ಮಭೂಮಿ ಪುಣ್ಯಸ್ಥಳದಲ್ಲಿ “ಬಾಲರಾಮ”ನ ಪ್ರಾಣ ಪ್ರತಿಷ್ಠಾ ಮಹೋತ್ಸವ ಜರುಗುತ್ತಿರುವುದು ನಮ್ಮ ಪೀಳಿಗೆಯ ಸೌಭಾಗ್ಯ ಎಂದು ಧನ್ಯತಾ ಭಾವವನ್ನು ವ್ಯಕ್ತಪಡಿಸಿದರು
