148
ಕುಂದಾಪುರ : ಕೊಲ್ಲೂರು ಸಮೀಪದ ಜಡ್ಕಲ್‌ ಗ್ರಾಮದ ಮುದೂರಿನ ಗುಂಡಿನಹೊಳೆ ಎಂಬಲ್ಲಿ ಮಧ್ಯರಾತ್ರಿ ಶಸ್ತ್ರವನ್ನು ಹೊಂದಿದ ವ್ಯಕ್ತಿಗಳು ಓಡಾಟ ನಡೆಸಿದ್ದಾರೆ ಎಂದು ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ ಬೆನ್ನಲ್ಲೇ, ಜಿಲ್ಲಾ ಪೋಲಿಸ್ ಹಾಗೂ ನಕ್ಸಲ್ ನಿಗ್ರಹ ದಳ ಸ್ಥಳದಲ್ಲಿ ಕಾರ್ಯಚರಣೆಯನ್ನು ಆರಂಭಿಸಿದೆ ಆದರೆ ಈ ವ್ಯಕ್ತಿಗಳು ನಕ್ಸಲರೇ ಎಂಬುದಕ್ಕೆ ಸದ್ಯ ಇಲಾಖೆಯ ಬಳಿ ಯಾವುದೇ ಪುರಾವೆ ಇಲ್ಲ
ಸ್ಥಳೀಯರು ಪೊಲೀಸರಿಗೆ ನೀಡಿದ ಮಾಹಿತಿಯಂತೆ ಐದು ಜನರ ತಂಡ ಮಧ್ಯರಾತ್ರಿ ಕಾಡಿನೊಳಗೆ ತೆರಳಿದ್ದು ಅವರಲ್ಲಿ ಓರ್ವನ ಬಳಿ ಬಂದೂಕು ಇತ್ತು ಎನ್ನಲಾಗಿದೆ. ಆದರೆ ಇದಕ್ಕೆ ಯಾವುದೇ ರೀತಿಯ ಸ್ಪಷ್ಟಿಕರಣ ದೊರಕಿಲ್ಲ ಈಗಾಗಲೇ ಸ್ತಳದಲ್ಲಿ ನಕ್ಸಲ್ ನಿಗ್ರಹ ದಳದ ನಾಲ್ಕು ತಂಡ ಕ್ಯೂಬಿಂಗ್‌ ನಡೆಸಿ ತೀವ್ರಶೋಧ ನಡೆಸುತ್ತಿದ್ದಾರೆ
ಕೆಲವೊಂದು ಮಾಧ್ಯಮದಲ್ಲಿ ಜಿಲ್ಲೆಯಲ್ಲಿ ನಕ್ಸಲ್ ಚಟುವಟಿಕೆ ಎಂದು ಸುದ್ದಿ ಬಿತ್ತರಿಸಲಾಗಿದೆ ಈ ಬಗ್ಗೆ ಮುಂಜಾಗೃತ ಕ್ರಮವನ್ನು ಕೈಗೊಂಡಿದ್ದೇವೆ ಎಂದು ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿಗಳು ತಿಳಿಸಿದ್ದಾರೆ
