ಕುಂದಾಪುರ :ನಿನ್ನೆ ಮಧ್ಯಾಹ್ನ 1.30ರ ಗಂಟೆಯ ಸುಮಾರಿಗೆ ಶಾಸ್ತ್ರೀಪಾರ್ಕ್‌ ಪ್ಲೈ ಓವರ್‌ ಮೇಲಿಂದ ಉಡುಪಿ ಕಡೆಗೆ ಚಲಿಸುತ್ತಿದ್ದ ಇನ್ನೋವಾ ಕಾರೊಂದು ನೆಹರು ಮೈದಾನ ಬಳಿಯ ಬೊಬ್ಬರ್ಯನ ಕಟ್ಟೆ ದೇವಸ್ಥಾನದ ನೇರ ಎದುರುಗಡೆಯಲ್ಲಿ ಕಬ್ಬಿಣದ ತಡೆಬೇಲಿಗೆ ಢಿಕ್ಕಿ ಹೊಡೆದು ಸರ್ವೀಸ್‌ ರಸ್ತೆಗೆ ತಲೆಕೆಳಗಾಗಿ ಮಗುಚಿ ಬಿದ್ದ ಪರಿಣಾಮ ಓರ್ವ ಮಹಿಳೆ ಸಾವನ್ನಪ್ಪಿದ್ದು ಗಂಭೀರವಾಗಿ ಗಾಯಗೊಂಡ ಇಬ್ಬರನ್ನು ಮಣಿಪಾಲದ ಕೆ ಎಂ ಸಿ ಆಸ್ಪತ್ರೆಗೆ ಸಾಗಿಸಲಾಗಿದೆ
ಅಪಘಾತದಲ್ಲಿ ಮೃತಪಟ್ಟ ಮಹಿಳೆ ಸಮೀರಾ (45 ವರ್ಷ ) ಎಂದು ಗುರುತಿಸಲಾಗಿದೆ ಗಂಭೀರವಾಗಿ ಗಾಯಗೊಂಡವರು ಮೋನವರ್‌ ಟಿ ಪಿ (49 ವರ್ಷ ) ಹಾಗೂ ಅವರ ಪುತ್ರ ಸುಹೇಲ್‌ (19 ವರ್ಷ) ಎಂದು ತಿಳಿದುಬಂದಿದೆ
ಪಾಂಡಿಚೇರಿ ಮೂಲದ ನೋಂದಣಿ ಹೊಂದಿರುವ ಇನ್ನೋವಾ ಕಾರನ್ನು ಮೃತಪಟ್ಟ ಮಹಿಳೆ ಸಮೀರಾ ಚಲಾಯಿಸುತ್ತಿದ್ದು ಮುಂಬಯಿಯಿಂದ ಕೇರಳದ ಮಾಯಿ ಎಂಬಲ್ಲಿಗೆ ತೆರಳುತ್ತಿದ್ದರು
ಅಪಘಾತದ ತೀವ್ರತೆಗೆ ತಲೆಕೆಳಗಾಗಿ ಬಿದ್ದ ಇನ್ನೋವಾ ಕಾರು ಸಂಪೂರ್ಣ ಗುಜ್ಜುನುಜ್ಜಾಗಿದ್ದು ಸರ್ವೀಸ್‌ ರಸ್ತೆಯಲ್ಲಿ ಯಾವುದೇ ವಾಹನ ಸಂಚಾರ ಇಲ್ಲದ ಕಾರಣ ಹೆಚ್ಚಿನ ಅನಾಹುತ ತಪ್ಪಿದೆ
ಅಪಘಾತದಿಂದಾಗಿ ಸರ್ವೀಸ್‌ ರಸ್ತೆಯ ಸಂಚಾರ ಅಸ್ತವ್ಯಸ್ತವಾಗಿದ್ದು ಘಟನಾ ಸ್ಥಳಕ್ಕೆ ಕುಂದಾಪುರ ಸಂಚಾರಿ ಠಾಣೆಯ ಪೊಲೀಸರು ಸಾರ್ವಜನಿಕರ ಸಹಾಯದಿಂದ ಗಾಯಾಳುಗಳನ್ನು ಆಸ್ಪತ್ರೆಗೆ ಸಾಗಿಸಿ ಸುಗಮ ಸಂಚಾರಕ್ಕೆ ಅನುವು ಮಾಡಿ ಕೊಟ್ಟರು ಕುಂದಾಪುರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ
