ಎಲ್ಲೆಡೆ ನವದುರ್ಗೆಯರಿಂದ ಮತದಾನ

ಬೈಂದೂರು: ಶಿವಮೊಗ್ಗ ‌ಲೋಕಸಭಾ ವ್ಯಾಪ್ತಿಯ ಬೈಂದೂರು ವಿಧಾನಸಭಾ ಕ್ಷೇತ್ರದಾದ್ಯಂತ ಮಂಗಳವಾರ ಬೆಳಗ್ಗೆಯಿಂದ ಬಿರುಸಿನ ಮತದಾನ ನಡೆಯಿತು. ಈ ಬಾರಿಯ ಮತದಾನದ ವಿಶೇಷವೆಂಬಂತೆ ಬಹುತೇಕ ಎಲ್ಲ ಮತಗಟ್ಟೆಗಳಲ್ಲೂ ನವ ದುರ್ಗೆಯರು (9 ಮಂದಿ ಮಹಿಳೆಯರ ತಂಡ) ಮೊದಲು ಬಂದು ಮತದಾನ ಮಾಡಿದ್ದಾರೆ.
ನವದುರ್ಗೆಯರು ಎಲ್ಲ ಬೂತ್ ಗಳಲ್ಲೂ ಬೆಳಗ್ಗೆ 6.45ರ ಸುಮಾರಿಗೆ ಮತಗಟ್ಟೆ ಪ್ರವೇಶಿಸಿದ್ದರು. 7 ಗಂಟೆಗೆ ಮತದಾನ ಆರಂಭವಾಗುತ್ತಿದ್ದಂತೆ 9 ಮಹಿಳೆಯರು ಸರತಿ ಸಾಲಿನಲ್ಲಿ ಬಂದು ಮತದಾನ ಮಾಡಿದ್ದಾರೆ. ಅನಂತರ ನವದುರ್ಗೆಯರು ಒಟ್ಟಾಗಿ ಸೆಲ್ಫೀ ತೆಗೆದುಕೊಂಡಿರುವುದು ಸಾಮಾಜಿಕ ಜಾಲತಾಣಗಳಲ್ಲೂ ವೈರಲ್ ಆಗಿದೆ.