ಬೆಂಕಿ ರಹಿತ ಅಡುಗೆ ಸ್ಪರ್ಧೆ

ಉಡುಪಿ : ಜಿಲ್ಲೆಯಲ್ಲಿ ನೂತನವಾಗಿ ಕಾರ್ಯಾರಂಭವಾಗಲಿರುವ “ಪಬ್ಲಿಕ್ ಲೈನ್ ” ವಾಹಿನಿ ಆಯೋಜಿಸುವ ಬೆಂಕಿ ರಹಿತ ಅಡುಗೆ ಸ್ಪರ್ಧೆ ಹಾಗೂ ಶಾಲಾ ಮಕ್ಕಳಿಗೆ ಡ್ರಾಯಿಂಗ್ ಸ್ಪರ್ಧೆಯ ಪೋಸ್ಟರ್ ಅನ್ನು ಪರ್ಯಾಯ ಶ್ರೀಪುತ್ತಿಗೆ ಮಠಾಧೀಶರಾದ ಶ್ರೀ ಸುಗುಣೇಂದ್ರ ತೀರ್ಥ ಶ್ರೀಪಾದರು ಶುಕ್ರವಾರ ಗೀತಾ ಮಂದಿರದಲ್ಲಿ ಬಿಡುಗಡೆ ಗೊಳಿಸಿ ಶುಭ ಕೋರಿದರು.

ಕರಾವಳಿ ಕರ್ನಾಟಕಕ್ಕೆ ಜನರ ಧ್ವನಿಯಾಗಿ ಪಬ್ಲಿಕ್ ಲೈನ್ ವಾಹಿನಿ ಕಾರ್ಯಾರಂಭ ಗೊಳ್ಳಲಿದ್ದು ಈ ವಾಹಿನಿಯು ಆಯೋಜಿಸುತ್ತಿರುವ ಬೆಂಕಿ ರಹಿತ ಅಡುಗೆ ಸ್ಪರ್ಧೆ “ಮಥುರಾ ಕಿಚನ್ ಟೈಮ್ಸ್” ಹಾಗೂ ಮಕ್ಕಳಿಗಾಗಿ “ಬಣ್ಣ” ಚಿತ್ರಕಲಾ ಸ್ಪರ್ಧೆಯು ಇದೇ ಬರುವ ದಿನಾಂಕ ಜೂನ್ 23ರ ಭಾನುವಾರದಂದು ಮಥುರ ಸಭಾಭವನದಲ್ಲಿ ಮಧ್ಯಾಹ್ನ 2.00 ರಿಂದ ಆರಂಭಗೊಳ್ಳಲಿದೆ. ಸಾರ್ವಜನಿಕರಿಗೆ ಹಾಗೂ ಮಕ್ಕಳಿಗೆ ಉಚಿತ ಪ್ರವೇಶವಿದ್ದು ವಿಜೇತರಿಗೆ ಆಕರ್ಷಕ ಬಹುಮಾನವಿರುತ್ತದೆ.

ಕಾರ್ಯಕ್ರಮದಲ್ಲಿ ಮಠದ ದಿವಾನರಾದ ವಿದ್ವಾನ್ ಪ್ರಸನ್ನ ಆಚಾರ್ಯ ಹಾಗೂ ಪಬ್ಲಿಕ್ ಲೈನ್ ವಾಹಿನಿಯ ಪ್ರವರ್ತಕರು ಉಪಸ್ಥಿತರಿದ್ದರು