659
ಕುಂದಾಪುರ : ಕುಂದಾಪುರ ಸಮೀಪದ ಆನಗಳ್ಳಿ ಸೇತುವೆ ಬಳಿಯಲ್ಲಿ ನಡೆದುಕೊಂಡು ಹೋಗುತ್ತಿರುವಾಗ ಅಕಸ್ಮಿಕ ಕಾಲು ಜಾರಿ ಹೊಳೆಗೆ ಬಿದ್ದು ಮರವಂತೆ ಸಮೀಪದ ಬಡಾಕೆರೆ ನಿವಾಸಿ ರಾಜು ಬಿ ಎಂಬವರು ಮೃತಪಟ್ಟಿದ್ದಾರೆ
ಆನಗಳ್ಳಿ ಹೊಳೆಯಲ್ಲಿ ತೇಲುತ್ತಿರುವ ಮೃತದೇಹವನ್ನು ಕಂಡ ಸಾರ್ವಜನಿಕರು ಕುಂದಾಪುರ ಪೊಲೀಸ್‌ ಸ್ಟೇಷನ್‌ಗೆ ಸುದ್ದಿ ಮುಟ್ಟಿಸಿದ್ದಾರೆ ತಕ್ಷಣ ಕಾರ್ಯಪ್ರವೃತ್ತರಾದ ನಗರ ಠಾಣೆಯ ಪಿ ಎಸ್‌ ಐ ಪ್ರಸಾದ್‌ ಕೆ ನೇತೃತ್ವದ ತಂಡ ಆನಗಳ್ಳಿಗೆ ಆಗಮಿಸಿ ಹೊಳೆಯಲ್ಲಿ ತೇಲುತ್ತಿರುವ ಮೃತದೇಹವನ್ನು ಕಂಡು ಸಾರ್ವಜನಿಕರ ಸಹಾಯದಿಂದ ದೋಣಿಯ ಮೂಲಕ ದಡಕ್ಕೆ ತಂದಿದ್ದು ಸರಕಾರಿ ಅಸ್ಪತ್ರೆಯ ಶವಾಗಾರದಲ್ಲಿ ಇರಿಸಲಾಗಿತ್ತು
ಮೃತದೇಹದ ಪರ್ಸ್‌ನಲ್ಲಿ ದೊರೆತ ಡ್ರೈವಿಂಗ್‌ ಲೈಸೆನ್ಸ್‌ನಲ್ಲಿ ಬೆಂಗಳೂರಿನ ಹನುಮಂತ ನಗರ ನಿವಾಸಿ ಬನ್ನಪ್ಪನವರ ಪುತ್ರ ರಾಜು ಬಿ ಎಂದು ತಿಳಿದುಬಂದಿದ್ದು ಕುಂದಾಪುರ ಪೊಲೀಸರು ಅವರ ಮನೆಯವರನ್ನು ಸಂಪರ್ಕಿಸಿದ್ದಾರೆ ಸುದ್ದಿ ತಿಳಿದ ಅವರ ಅಣ್ಣ ಅಶೋಕ್‌ ಎಂಬವರು ಆಗಮಿಸಿದ್ದು ಕುಂದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ
