ಕೋಟ: ಕೃಷಿ ಭೂಮಿ ಪ್ರಸ್ತುತ ಲ್ಯಾಂಡ್ ಮಾಫಿಯಾದಿಂದ ಅವನತಿಯ ದಾರಿ ತಲುಪುತ್ತಿದೆ ಆದರೆ ಅಲ್ಲಲ್ಲಿ ಅಳಿದುಳಿದ ಭೂಮಿಯಲ್ಲಿ ಹಳೆ ತಲೆಮಾರು ಕಾರ್ಯಭಾರ ನಡೆಸುತ್ತಿದೆ. ಈ ನಿಟ್ಟಿನಲ್ಲಿ ನಕ್ಷತ್ರಿ ಕುಟುಂಬ ರೈತಕಾಯಕ ನಿಜಕ್ಕೂ ಶ್ಲಾಘನೀಯ ಎಂದು ಕೋಟದ ಪ್ರಸಿದ್ಧ ವಿದ್ಯಾಸಂಸ್ಥೆ ವಿವೇಕ ಪದವಿಪೂರ್ವ ಕಾಲೇಜಿನ ಪ್ರಾಂಶುಪಾಲ ಕೆ.ಜಗದೀಶ್ ನಾವಡ ಹೇಳಿದರು.
ಶನಿವಾರ ಬಾಲಕೃಷ್ಣ ನಕ್ಷತ್ರಿ ಮನೆಯಂಗಳದಲ್ಲಿ ಕೋಟದ ಪಂಚವರ್ಣ ಯುವಕ ಮಂಡಲ ಅದರ ಅಧೀನ ಸಂಸ್ಥೆ ಪಂಚವರ್ಣ ಮಹಿಳಾ ಮಂಡಲ ಕೋಟ ನೇತೃತ್ವದಲ್ಲಿ ಗೀತಾನಂದ ಫೌಂಡೇಶನ್ ಮಣೂರು,ಗೆಳೆಯರ ಬಳಗ ಕಾರ್ಕಡ,ರೈತಧ್ವನಿ ಸಂಘ ಕೋಟ,ರೋಟರಿ ಕ್ಲಬ್ ಕೋಟ ಸಾಲಿಗ್ರಾಮ, ವಿಪ್ರ ಮಹಿಳಾ ಬಳಗ ಸಾಲಿಗ್ರಾಮ ಇವರುಗಳ ಸಹಯೋಗದೊಂದಿಗೆ 36ನೇ ರೈತರೆಡೆಗೆ ನಮ್ಮ ನಡಿಗೆ ಕಾರ್ಯಕ್ರಮದಲ್ಲಿ ಮಾತನಾಡಿ ಯುವ ಸಮುದಾಯ ಕೃಷಿ ಕ್ಷೇತ್ರದಲ್ಲಿ ತೊಡಗಿ ಕೊಂಡಾಗ ಕೃಷಿ ಉಳಿಸಲು ಸಾಧ್ಯ ಇಂಥಹ ಸಂದರ್ಭದಲ್ಲಿ ನಕ್ಷತ್ರಿ ಕುಟುಂಬ ಅದೆಷ್ಟೊ ಹಡಿಲು ಭೂಮಿಯನ್ನು ಹಸನಾಗಿಸಿದ್ದಾರೆ.ಇದೊಂದು ಪ್ರತಿಯೊಬ್ಬರು ಮಾದರಿ ಕಾರ್ಯ,ಗಿಡಕ್ಕೆ ತಾಯಿ ಬೇರು ಹೇಗೆ ಶ್ರೇಷ್ಠವಾಗಿರುತ್ತದೆಯೋ ಅದೇ ರೀತಿ ಕೃಷಿ ಕಾರ್ಯ ಕೂಡಾ ತಂದೆ ತಾಯಿಗಳಂತೆ ಮಕ್ಕಳು ಅದರಲ್ಲಿ ಅವರು ಉಳಿಸಿ ಬೆಳೆಸಿದ ಕಾಯಕವನ್ನು ಮುಂದಿಮ ತಲೆಮಾರಿನತ್ತ ಕೊಂಡ್ಯೋಯುವಕಾರ್ಯ ಮಾಡಬೇಕಿದೆ.ಪಂಚವರ್ಣ ಸಂಸ್ಥೆಯ ಸಮಾಜಮುಖಿ ಕಾರ್ಯ ರಾಜ್ಯಕ್ಕೆ ಮಾದರಿಯಾಗಿದೆ ಅವರ ಹಮ್ಮಿಕೊಳ್ಳುವ ಪ್ರತಿಯೊಂದುಕಾರ್ಯ ಕೂಡಾ ಸಮಾಜಕ್ಕೆ ಪ್ರೇರಕ ಶಕ್ತಿಯಾಗಿ ಕಾರ್ಯನಿರ್ವಹಿಸುತ್ತಿದೆ ಅದರಲ್ಲಿ ಸ್ವಚ್ಛತೆ,ಪ್ರಕೃತಿ ಪ್ರೇಮ,ಅದರೊಂದಿಗೆ ರೈತರೆಡೆಗೆ ಕಾರ್ಯಕ್ರಮಇದು ನಿಜವಾಗಿ ದೇವರಿಗೆ ಹತ್ತಿರವಾಗುವ ಕಾರ್ಯವಾಗಿದೆ ರೈತರ ಉನ್ನತಿಗೆ ರೈತರೆಡೆಗೆ ಮತ್ತಷ್ಟು ಪುಷ್ಠಿ ಕೊಡುವ ಕಾರ್ಯಕ್ರಮವಾಗಿದೆ.ಇಂಥಹ ಸಂಘಟನೆಗಳು ಗ್ರಾಮ ಗ್ರಾಮದಲ್ಲಿದ್ದರೆ ಆ ಗ್ರಾಮಗಳು ಸುಭಿಕ್ಷೆಯಾಗುವುದರಲ್ಲಿ ಅನುಮಾನವೇ ಇಲ್ಲ ಎಂದು ಅಭಿಪ್ರಾಯಪಟ್ಟರು.
ಇದೇ ವೇಳೆ ಹಿರಿಯ ರೈತಕಾಯಕಜೀವಿ ಯಶೋಧ ನಕ್ಷತ್ರಿ ಪತಿ ಸಹಿತ ಕೃಷಿ ಪರಿಕರ ಇತ್ತು ಗೌರವಿಸಲಾಯಿತು.ಪುತ್ರರಾದ ಬಾಲಕೃಷ್ಣ ,ಬಾಲಚಂದ್ರ ನಕ್ಷತ್ರಿ ಕುಟುಂಬಿಕರನ್ನು ಈ ಸಂದರ್ಭದಲ್ಲಿ ಸನ್ಮಾನಿಸಲಾಯಿತು.
ಪರಿಸರ ಕಾಳಜಿಯ ನಿಮಿತ್ತ ಗಿಡನೆಡಲಾಯಿತು.
ಪ್ರಧಾನ್ ಮಂತ್ರಿ ಫಸಲ್ ಭೀಮಾ ಯೋಜನೆಯ ಸಂಯೋಜಕ ರವೀಂದ್ರ ಮೊಗವೀರ ಕೃಷಿ ಸವಲತ್ತಿನ ಬಗ್ಗೆ ಮಾಹಿತಿ ನೀಡಿದರು.
ಸಭೆಯ ಅಧ್ಯಕ್ಷತೆಯನ್ನು ಪಂಚವರ್ಣ ಯುವಕ ಮಂಡಲದ ಅಧ್ಯಕ್ಷ ಅಜಿತ್ ಆಚಾರ್ ವಹಿಸಿದ್ದರು.
ಮುಖ್ಯ ಅಭ್ಯಾಗತರಾಗಿ ಕೋಟ ವಿವೇಕ ವಿದ್ಯಾಸಂಸ್ಥೆ ಉಪನ್ಯಾಸಕ ಸಂಜೀವ ಗುಂಡ್ಮಿ,ಪಾಂಚಜನ್ಯ ಸಂಘ ಹಂದಟ್ಟು ಪಾರಂಪಳ್ಳಿ ಅಧ್ಯಕ್ಷ ಕೃಷ್ಣಮೂರ್ತಿ ಮರಕಾಲ ,ರೋಟರಿ ಕ್ಲಬ್ ಕೋಟ ಸಾಲಿಗ್ರಾಮ ಅಧ್ಯಕ್ಷ ದೇವಪ್ಪ ಪಟಗಾರ್,ರೈತಧ್ವನಿಸಂಘ ಕೋಟ ಅಧ್ಯಕ್ಷ ಎಂ.ಜಯರಾಮ್ ಶೆಟ್ಟಿ, ಗೆಳೆಯರ ಬಳಗ ಕಾರ್ಕಡ ಅಧ್ಯಕ್ಷ ಕೆ.ತಾರಾನಾಥ ಹೊಳ್ಳ,ವಿಪ್ರ ಮಹಿಳಾ ಬಳಗ ಸಾಲಿಗ್ರಾಮ ಸಂಚಾಲಕಿ ವನೀತಾ ಉಪಾಧ್ಯಾ,ಪಂಚವರ್ಣ ಮಹಿಳಾ ಮಂಡಲದ ಕಾರ್ಯಾಧ್ಯಕ್ಷೆ ಕಲಾವತಿ ಅಶೋಕ್ ಮತ್ತಿತರರು ಉಪಸ್ಥಿತರಿದ್ದರು. ಪಂಚವರ್ಣ ಮಹಿಳಾ ಮಂಡಲದ ಜತೆಕಾರ್ಯದರ್ಶಿ ಶಕೀಲ ಎನ್ ಪೂಜಾರಿ ಸನ್ಮಾನ ಪತ್ರ ವಾಚಿಸಿದರು. ಪಂಚವರ್ಣದ ಕಾರ್ಯಾಧ್ಯಕ್ಷ ರವೀಂದ್ರ ಕೋಟ ಸ್ವಾಗತಿಸಿದರು.ಕಾರ್ಯಕ್ರನವನ್ನು ಪಂಚವರ್ಣ ಮಹಿಳಾ ಮಂಡಲದ ಸಂಚಾಲಕಿ ಸುಜಾತ ಬಾಯರಿ ಪ್ರಾಸ್ತಾವನೆ ಸಲ್ಲಿಸಿ ನಿರೂಪಿಸಿದರು. ಪಂಚವರ್ಣದ ಸಾಂಸ್ಕೃತಿಕ ಕಾರ್ಯದರ್ಶಿ ಶಶಿಧರ ತಿಂಗಳಾಯ ವಂದಿಸಿದರು.
