ಕುಂದಾಪ್ರ : ಕುಂದಾಪುರ ನಗರದ ಕಲಾಕ್ಷೇತ್ರ ಕುಂದಾಪುರ ಟ್ರಸ್ಟ್‌ ಹಾಗೂ ಕನ್ನಡ ಮತ್ತು ಸಂಸ್ಕ್ರತಿ ಇಲಾಖೆಯ ವತಿಯಿಂದ ಬೋರ್ಡ್‌ ಹೈಸ್ಕೂಲ್‌ ಮೈದಾನದಲ್ಲಿ ಕುಂದಾಪ್ರ ಭಾಷಿ ಮಾತನಾಡುವವರ ಗ್ರಾಮೀಣ ಕ್ರೀಡಾಕೂಟ ಲಗೋರಿಯು ಸಡಗರ ಸಂಭ್ರಮ ಹಾಗೂ ಕ್ರೀಡಾಸ್ಪೂರ್ತಿಯಿಂದ ಜರುಗಿತು
ಕಿಶೋರ್‌ ಕುಮಾರ್ ನೇತೃತ್ವದ ಕಲಾಕ್ಷೇತ್ರ ಕುಂದಾಪುರದ ವತಿಯಿಂದ ವಿಶ್ವ ಕುಂದಾಪ್ರ ದಿನಾಚರಣೆಯ ಅಂಗವಾಗಿ ಆಯೋಜಿಸಿದ ಕ್ರೀಡಾಕೂಡವನ್ನು ಶಾಸಕ ಕಿರಣ್ ಕುಮಾರ್ ಕೊಡ್ಗಿ ಅಡಿಕೆಯ ಸಿಂಗಾರವನ್ನು ಅರಳಿಸಿ ಸೈಕಲ್‌ ಚಕ್ರವನ್ನು ಓಡಿಸುವ ಮೂಲಕ ಉದ್ಘಾಟಿಸಿದರು ಸಂಸದ ಶ್ರೀನಿವಾಸ ಪೂಜಾರಿಯವರು ಗೋಲಿ ಆಟವನ್ನು ಆಡುವ ಮೂಲಕ ಕ್ರೀಡಾಕೂಟಕ್ಕೆ ಚಾಲನೆ ನೀಡಿದರು
ವೇದಿಕೆಯಲಲ್ಲಿ ತಹಶೀಲ್ದಾರ್ ಶ್ರೀಮತಿ ಶೋಭಾಲಕ್ಷ್ಮೀ, ಹಟ್ಟಿಯಂಗಡಿ ಲೋಕನಾಥೇಶ್ವರ ದೇವಸ್ಥಾನದ ಧರ್ಮದರ್ಶಿ ಸನತ್ ಕುಮಾರ್ ರೈ ಸರಕಾರಿ ಜೂನಿಯ‌ರ್ ಕಾಲೇಜು ಪ್ರಾಂಶುಪಾಲ ಬಿ.ಜಿ. ರಾಮಕೃಷ್ಣ ಉಪಪ್ರಾಂಶುಪಾಲ ಕಿರಣ್ ಹೆಗ್ಡೆ ರಾಘವೇಂದ್ರ ಕುಂದರ್ ಬ್ರಹ್ಮಾವರ, ರಮೇಶ್ ಕುಂದರ್, ಲಯನ್ಸ್ ಕ್ಲಬ್ ಉಪಗವರ್ನರ್ ರಾಜೀವ್ ಕೋಟ್ಯಾನ್, ತಾಲೂಕು ಯುವಜನಸೇವಾ ಕ್ರೀಡಾಧಿಕಾರಿ ಕುಸುಮಾಕರ ಶೆಟ್ಟಿ ಸರಕಾರಿ ಜೂನಿಯ‌ರ್ ಕಾಲೇಜು ಉಪನ್ಯಾಸಕ ಉದಯ ಕುಮಾರ್ ಶೆಟ್ಟಿ ಕಾಳಾವರ, ಕ್ರೀಡಾಪಟು ಪ್ರದೀಪ್‌ಚಂದ್ರ ಶೆಟ್ಟಿ ಉಪಸ್ಥಿತರಿದ್ದರು. ದೈಹಿಕ ಶಿಕ್ಷಣ ಶಿಕ್ಷಕ ಚಂದ್ರಶೇಖರ ಬೀಜಾಡಿ ನಿರೂಪಿಸಿದ ಕಾರ್ಯಕ್ರಮದಲ್ಲಿ ರಾಜೇಶ್ ಕಾವೇರಿ ವಂದಿಸಿದರು.
ಜನಾಕರ್ಷಣೆಗೊಂಡ ವಿವಿಧ ಸ್ಪರ್ಧೆಗಳು
ಮಹಿಳೆಯರಿಗೆ, ಪುರುಷರಿಗೆ ಪ್ರತ್ಯೇಕವಾಗಿ ಹಗ್ಗಜಗ್ಗಾಟ, ತ್ರೋಬಾಲ್ ಸ್ಪರ್ಧೆ, ಉಳಿದಂತೆ ಚಿನ್ನಿದಾಂಡು, ಬೆಂಡು, ಗೋಣಿಚೀಲ ಓಟ, ಟಯ‌ರ್ ಓಟ, ಉಪ್ಪುಮೂಟೆ, ಗೂಟ ಸುತ್ತಿ ಓಟ, ಉಪ್ಪುಮುಡಿ, ಮನುಷ್ಯರ ಕಂಬಳ, ಲಗೋರಿ, ಚಂಡಾನ್ ಚಂಡು, ಡೊಂಕಾಲು, ಚೆನ್ನೆಮಣೆ, ಗುಡ್ನ ಗೋಲಿ ಆಟ ಮನ ಸೆಳೆಯಿತು ಬ್ರಹ್ಮಾವರ, ಕುಂದಾಪುರ, ಬೈಂದೂರು, ಹೆಬ್ರಿ ತಾಲೂಕುಗಳ ಕುಂದಾಪ್ರ ಭಾಷಿ ಮಾತನಾಡುವರರು ಉತ್ಸಾಹದಿಂದ ಸ್ಪರ್ಧೆಯಲ್ಲಿ ಭಾಗವಹಿಸಿದರು
