74
ಕುಂದಾಪುರ : ಉಪ್ಪಿನಕುದ್ರುವಿನ ಶ್ರೀಗೋಪಾಲಕೃಷ್ಣ ದೇಗುಲದಲ್ಲಿ ಗೋಕುಲಾಷ್ಟಮಿ ಪ್ರಯುಕ್ತ ಮಂಗಳವಾರ ವಿವಿಧ ಧಾರ್ಮಿಕ ಕಾರ್ಯಕ್ರಮದೊಂದಿಗೆ ಲಕ್ಷ ತುಳಸಿಯನ್ನು ಶ್ರೀ ದೇವರಿಗೆ ಅರ್ಪಿಸಲಾಯಿತು
ದೇವರಿಗೆ ಬೆಳಗ್ಗೆ ಕ್ಷೀರಾಭಿಷೇಕ ಪವಮಾನ ಕಲಶಾಭಿಷೇಕ, ಚಂಡಿಕಾ ಪಾರಾಯಣ, ವಿಪ್ರ ಮಹಿಳೆಯರಿಂದ ವಿಷ್ಣು ಸಹಸ್ರನಾಮ ಪಠಣೆ ಮಧ್ಯಾಹ್ನ ಮಹಾಮಂಗಳಾರತಿ ನಡೆಯಿತು. ಇದೇ ವೇಳೆ ದೇವಸ್ಥಾನದ ಉಪಾಧ್ಯಕ್ಷ ರಾಜೇಶ್ ಕಾರಂತ್ ಅವರಿಂದ ವಿದ್ವಾನ್ ವೇ|ಮೂ। ಕುಮಾರಗುತ್ತು ತಂತ್ರಿ ನೇತೃತ್ವದಲ್ಲಿ ಲಕ್ಷ ತುಳಸಿ ಅರ್ಚನೆಯ ಸೇವೆ ನೆರವೇರಿತು
ಈ ಸಂದರ್ಭದಲ್ಲಿ ದೇವಸ್ಥಾನದ ಅರ್ಚಕ ವೃಂದ, ಅಧ್ಯಕ್ಷ ರಮೇಶ್ ಕಾರಂತ್, ಉಪಾಧ್ಯಕ್ಷರಾಜೇಶ್ ಕಾರಂತ್, ಸಂಚಾಲಕ ಕೃಷ್ಣಮೂರ್ತಿ ಐತಾಳ್‌, ಸಿಬಂದಿ ವರ್ಗ, ಯುವ ಸೇವಾ ಸಮಿತಿ ಹಾಗೂ ಊರ ಭಕ್ತರು ಪಾಲ್ಗೊಂಡಿದ್ದರು.
