323
ಲಾರಿ ಡಿಕ್ಕಿಯಾಗಿ ಮಗುಚಿದ ಬಸ್‌
ಕುಂದಾಪುರ: ನಗರದ ರಾಷ್ಟ್ರೀಯ ಹೆದ್ದಾರಿಯ ಸಂತೆ ಮಾರ್ಕೇಟ್‌ ಎದುರುಗಡೆಯ ತಿರುವಿನಲ್ಲಿ ಕೆ ಎಸ್‌ ಆರ್‌ ಟಿ ಸಿ ಬಸ್‌ ಗೆ ಹಿಂಬದಿಯಿಂದ ಲಾರಿವೊಂದು ಡಿಕ್ಕಿ ಹೊಡೆದ ಪರಿಣಾಮ ಬಸ್‌ ಮಗುಚಿ ಬಿದ್ದಿದೆ
ಇಂದು ಬೆಳಿಗ್ಗೆ 6.00 ಗಂಟೆಗೆ ಈ ಅಪಘಾತ ನಡೆದಿದ್ದು ಬಸ್‌ ನಲ್ಲಿ ಯಾರೂ ಪ್ರಯಾಣಿಕರು ಇಲ್ಲದಿದ್ದರಿಂದ ಯಾವುದೇ ರೀತಿಯ ಅನಾಹುತ ಸಂಭವಿಸಲಿಲ್ಲ ಬಸ್‌ ನ ಡ್ರೈವರ್‌ ಸಹ ಎನೂ ತೊಂದರೆ ಇಲ್ಲದೇ ಪಾರಾಗಿದ್ದಾನೆ
ಇಂದು ಬೆಳಿಗ್ಗೆ ಕೆ ಎಸ್‌ ಆರ್‌ ಟಿ ಸಿ ಡೀಪೋದಿಂದ ಹೊರಟ ಬಸ್‌ ಸಂತೆ ಮಾರ್ಕೇಟ್‌ ತಿರುವಿನಲ್ಲಿ ತಿರುಗಿ ಕುಂದಾಪುರದ ಬಸ್ಟ್ಯಾಂಡ್‌ ಗ ಆಗಮಿಸಿ ಅಲ್ಲಿಂದ ಮೂಲ್ಕಿಯ ಸಸಿಹಿತ್ಲಿನಿಂದ ಜನರನ್ನು ತುಂಬಿಸಿಕೊಂಡು ಮಂಗಳೂರಿನಲ್ಲಿ ನಡೆಯುವ ಮುಖ್ಯಮಂತ್ರಿಗಳ ಹಕ್ಕುಪತ್ರ ವಿತರಣಾ ಕಾರ್ಯಕ್ರಮಕ್ಕೆ ತೆರಳಬೇಕಾಗಿತ್ತು
ಕೂಡಲೇ ಸ್ಥಳಕ್ಕೆ ಆಗಮಿಸಿದ ಸಂಚಾರಿ ಠಾಣಾ ಎಸ್‌ ಐ ನಾಸೀರುದ್ದೀನ್‌ ಹಾಗೂ ಎ ಎಸ್‌ ಐ ಹರೀಶ್‌ ಹಾಗೂ ಸಿಬ್ಬಂದಿಯವರು ಸುಗಮ ಸಂಚಾರಕ್ಕೆ ಅವಕಾಶ ಮಾಡಿಕೊಟ್ಟರು
