ಇಂದು ಮಾಣಿ ಚೆನ್ನಕೇಶವ ದೇವರಿಗೆ ವಿಶೇಷ ಸೋಣೆ ಆರತಿ

ಕೋಟ : ಇಲ್ಲಿನ ಗುಂಡ್ಮಿ ರಥಬೀದಿ ಗೆಳೆಯರು ಸಾಮಾಜಿಕ ಹಾಗೂ ಸಾಂಸ್ಕೃತಿಕ ವೇದಿಕೆ ವತಿಯಿಂದ ಪ್ರತಿವರ್ಷದಂತೆ ಧಾರ್ಮಿಕ ಕಾರ್ಯಕ್ರಮದ ಅಂಗವಾಗಿ ಸೆ.15ರ ಇಂದು ಭಾನುವಾರ ರಾತ್ರಿ ಗಂಟೆ 8-00 ಕ್ಕೆ ಇಲ್ಲಿನ ಶ್ರೀ ಮಾಣಿಚನ್ನಕೇಶವ ದೇವರಿಗೆ ವಿಶೇಷ ಸೋಣೆ ಆರತಿ ಹಮ್ಮಿಕೊಂಡಿದೆ.

ಈ ಸಂದರ್ಭದಲ್ಲಿ ಸಂಜೆ ಪರಿವಾರ ದೇವರುಗಳಾದ ಹನುಮಂತ ಮತ್ತು ಗಣಪತಿ ದೇವರುಗಳಿಗೆ ರಂಗ ಪೂಜೆ ಹಾಗೂ ಅಮ್ಮನವರು, ಕ್ಷೇತ್ರಪಾಲ ಮತ್ತು ಈಶ್ವರ ದೇವರುಗಳಿಗೆ ವಿಶೇಷ ಪೂಜೆ ನಡೆಯಲಿದ್ದು ಸಂಜೆ ಗಂಟೆ 6-00ಕ್ಕೆ ಶ್ರೀ ರಾಮಾಮೃತ ಭಜನಾ ಸಂಘ, ಕೋಟ, ಇವರಿಂದ ಭಜನಾ ಕಾರ್ಯಕ್ರಮ (ಕುಳಿತ ಭಜನೆ ಹಾಗೂ ಕುಣಿತ ಭಜನೆ) ಪೂಜಾ ಸಮಯದಲ್ಲಿ ಶಿವಕೃಪಾ ಚಂಡೆ ಬಳಗ ಸಾಸ್ತಾನ ಇವರಿಂದ ಚಂಡೆವಾದನ ನಡೆಯಲಿದೆ ಎಂದು ಸಂಘಟಕರು ತಿಳಿಸಿದ್ದಾರೆ.