ಪೊಲೀಸ್‌ ಶ್ವಾನ “ಕ್ಯಾಪ್ಟನ್‌” ನಿವೃತ್ತಿ

ಉಡುಪಿ : ಪೊಲೀಸ್‌ ಶ್ವಾನ ಘಟಕದಲ್ಲಿ8 ವರ್ಷಗಳ ಕಾಲ ಸೇವೆ ಸಲ್ಲಿಸಿದ್ದ ಶ್ವಾನ ‘ಕ್ಯಾಪ್ಟನ್’ ನಿವೃತ್ತಿಗೊಂಡಿದ್ದಾನೆ. ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಡಾ ಕೆ.ಅರುಣ್ ಅವರು ಕ್ಯಾಪ್ಟನ್‌ಗೆ ಸಮ್ಮಾನ ನೆರವೇರಿಸಿದರು. ಪೊಲೀಸ್ ಪರೇಡ್ ಮೈದಾನದಲ್ಲಿ ಕವಾಯತು ಮೂಲಕ ಗೌರವ ಸಲ್ಲಿಸಲಾಯಿತು.

ಪ್ರಧಾನಿ, ರಾಷ್ಟ್ರಪತಿ, ಐಪಿಎಲ್ ಪಂದ್ಯಾಟ, ವಿಶ್ವಕಪ್ ಕ್ರಿಕೆಟ್, ಏರ್ ಶೋ, ಬೇರೆ ದೇಶಗಳ ಪ್ರಧಾನಿಗಳು ಬಂದಾಗ  ರಾಜ್ಯ, ಹೊರರಾಜ್ಯ ಹೊರ ಜಿಲ್ಲೆಗಳಲ್ಲಿ ಸುಮಾರು 400 ಕ್ಕೂ ಅಧಿಕ ವಿಧ್ವಂಸಕ ಕೃತ್ಯ ತಪಾಸಣೆ ಕಾರ್ಯಗಳನ್ನು ಕ್ಯಾಪ್ಟನ್ ಯಶಸ್ವಿಯಾಗಿ ಪೂರೈಸಿದ್ದಾನೆ.

2016ರಲ್ಲಿ ಪೊಲೀಸ್ ಇಲ್ಯಾಖೆಗೆ ಸೇರಿದ ಜೆರ್ಮನ್ ಶೆಫರ್ಡ್ ತಳಿ ಇದಾಗಿದ್ದು, 8 ವರ್ಷಗಳ ಕಾಲ ಇಲಾಖೆಯಲ್ಲಿ ಸೇವೆ ನೀಡುತ್ತಿತ್ತು. ಕವಾಯತು ಸಂದರ್ಭ ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ಎಸ್.ಟಿ. ಸಿದ್ಧಲಿಂಗಪ್ಪ ಡಿಎಆರ್ ಅಧೀಕ್ಷಕ ತಿಮ್ಮಪ್ಪ ಗೌಡ, ಸಮಾದೇಷ್ಟರಾದ ಎಸ್. ರವಿಕುಮಾ‌ರ್, ಯೋಗೀಶ್ ಹಾಗೂ ಎಲ್ಲ ಠಾಣೆಗಳ ಅಧಿಕಾರಿಗಳು, ಸಿಬಂದಿ ಉಪಸ್ಥಿತರಿದ್ದರು.