150
ಕುಂದಾಪುರ : ಅಂಪಾರು ಗ್ರಾಮದ ತಲಕಲ್‌ಗುಡ್ಡೆ ಸಮೀಪ ಬೈಕ್ ಪಲ್ಟಿಯಾದ ಪರಿಣಾಮ ಸವಾರ ಮೃತಪಟ್ಟ ಘಟನೆ ನಡೆದಿದೆ. ಮೃತಪಟ್ಟವರು ಹೆಬ್ರಿ ನೆಲ್ಲಿಕಟ್ಟೆ ನಿವಾಸಿ ಮನೋಜ್ (48 ವರ್ಷ) ಎಂದು ಗುರುತಿಸಲಾಗಿದೆ ಹೆಬ್ರಿಯಿಂದ ಜಡ್ಕಲ್‌ಗೆ ಬೈಕ್‌ನಲ್ಲಿ ಹೋಗುತ್ತಿರುವಾಗ ಹತೋಟಿ ತಪ್ಪಿ ಬೈಕ್ ಮಗುಚಿದ್ದು ತಲೆಗೆ ತೀವ್ರ ಏಟು ತಗುಲಿತ್ತು. ಚಿಕಿತ್ಸೆಯ ಬಗ್ಗೆ ಅವರನ್ನು ಮಣಿಪಾಲ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದು ಚಿಕಿತ್ಸೆಗೆ ಸ್ಪಂದಿಸದೆ ಮೃತಪಟ್ಟಿದ್ದಾರೆ. ಶಂಕರನಾರಾಯಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
