140
ದ್ವಿಚಕ್ರ ವಾಹನ ಕಳ್ಳತನ ನಾಲ್ವರ ಬಂಧನ
ಮಂಗಳೂರು:ನಗರದ ನಾನಾ ಠಾಣೆಗಳ ವ್ಯಾಪ್ತಿಯಲ್ಲಿ ದ್ವಿಚಕ್ರ ವಾಹನಗಳ ಕಳ್ಳತನಕ್ಕೆ ಸಂಬಂಧಿಸಿದಂತೆ ಸಿಸಿಬಿ ಪೋಲೀಸರು ನಾಲ್ವರು ಆರೋಪಿಗಳನ್ನು ಬಂಧಿಸಿದ್ದು 6 ದ್ವಿಚಕ್ರ ವಾಹನಗಳನ್ನು ವಶಪಡಿಸಿಕೊಂಡಿದ್ದಾರೆ
ಪಣಂಬೂರಿನ ನಿವಾಸಿ ಮೊಹಮ್ಮದ್‌ ಸಿನಾನ್‌ ಮಹಮ್ಮದ್‌ ಸಾಹಿಲ್‌ ಉಳ್ಳಾಲದ ಫೈಜಲ್‌ ಯಾನೆ ಫೈಸಲ್‌ ಹಾಗೂ ಪಡುಬಿದ್ರಿಯ ಕಂಚಿನಡ್ಕದ ಮಹಮ್ಮದ್‌ ಸಾಹಿಲ್‌ ರವರನ್ನು ಪೋಲೀಸರು ಬಂಧಿಸಿದ್ದಾರೆ
ಆರೋಪಿಗಳು ಮಂಗಳೂರು ಪರಿಸರದಲ್ಲಿ ನಂಬರ್‌ ಪ್ಲೇಟ್‌ ಇಲ್ಲದ ಬೈಕ್‌ ಗಳನ್ನು ಮಾರಾಟ ಮಾಡಲು ಯತ್ನಿಸುತ್ತಿದ್ದ ಬಗ್ಗೆ ಮಾಹಿತಿ ಪಡೆದ ಮಂಗಳೂರಿನ ಸಿಸಿಬಿ ತಂಡ ಆರೋಪಿಗಳನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದೆ ಮಂಗಳೂರು ಸಿಸಿಬಿ ಘಟಕದ ಎಸಿಪಿ ಪಿ ಎ ಹೆಗಡೆ ನೇತೃತ್ವದಲ್ಲಿ ಪೋಲೀಸ್‌ ನಿರೀಕ್ಷಕರಾದ ಶ್ಯಾಮ ಸುಂದರ್‌ ಪಿಎಸೈಗಳಾದ ಸುದೀಪ್‌ ಹಾಗೂ ಶರಣಪ್ಪ ಎಎಸೈ ಮೋಹನ್‌ ಕೆ ವಿ ಹಾಗೂ ಸಿಬ್ಬಂದಿಗಳು ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು
