ಶ್ರೀ ಕ್ಷೇತ್ರದಲ್ಲಿ ಬ್ರಹ್ಮಕಲಶ ಸಂಪನ್ನ

ಖಾರ್ವಿಕೇರಿ ಶ್ರೀ ಕ್ಷೇತ್ರದಲ್ಲಿ ಬ್ರಹ್ಮಕಲಶ ಸಂಪನ್ನ

ಕುಂದಾಪುರ: ಕುಂದಾಪುರದ  ಖಾರ್ವಿಕೇರಿಯ ಶ್ರೀ ನವದುರ್ಗಾದೇವಿ ಶಾಂತೇರಿ ಕಾಮಾಕ್ಷಿ ದೇವಸ್ಥಾನದಲ್ಲಿ ವರ್ಷಂಪ್ರತಿ ನಡೆಯುವ 22ನೇ ವರ್ಷದ ಪ್ರತಿಷ್ಠಾ ವರ್ಧಂತಿ ಮಹೋತ್ಸವದ ಅಂಗವಾಗಿ ‘ಬ್ರಹ್ಮ ಕಲಶೋತ್ಸವ’ವು  ವಿದ್ವಾನ್ ಕೋಟ ಕೆ. ಚಂದ್ರಶೇಖರ್ ಸೋಮಯಾಜಿ ಅವರ ನೇತೃತ್ವದಲ್ಲಿ ಧಾರ್ಮಿಕ ವಿಧಿ ವಿಧಾನಗಳೊಂದಿಗೆ ನೆರವೇರಿತು

ಏ. 12 ರಂದು ಬೆಳಗ್ಗೆ ಪುಣ್ಯಾಹ ವಾಚನ, ಪ್ರಧಾನ ಹೋಮ, ಬ್ರಹ್ಮ ಕಲಶಾಭಿಷೇಕ, ಮಹಾಪೂಜೆ, ಮಧ್ಯಾಹ್ನ 12.30ಕ್ಕೆ ಮಹಾ ಮಂಗಳಾರತಿ, ತೀರ್ಥ ಪ್ರಸಾದ ವಿತರಣೆ, ಬಳಿಕ ಸಾರ್ವಜನಿಕ ಮಹಾ ‘ಅನ್ನಸಂತರ್ಪಣೆ’ ನಡೆಯಿತು ಮಧ್ಯಾಹ್ನ 12 ರಿಂದ ಪಂಚಮಿ ಮೆಲೋಡಿಸ್– ಕಂಚಗೋಡು ಅವರಿಂದ ಕರೋಕೆ ‘ಭಕ್ತಿಗಾಯನ ಸುಧೆ’ ನಡೆಯಿತು  ಸಂಜೆ 6 ರಿಂದ ಖಾರ್ವಿಕೇರಿ ಶ್ರೀ ಮಹಾಕಾಳಿ ಭಜನಾ ಮಂಡಳಿಯಿಂದ ಭಜನೆ ಹಾಗೂ ರಾತ್ರಿ 8 ಗಂಟೆಯಿಂದ ವಿಶೇಷ ರಾತ್ರಿ ಪೂಜೆ ನಡೆದು ಬ್ರಹ್ಮಕಲಶವು ಸಂಪನ್ನಗೊಂಡಿತು