ಕಾರ್ಕಳ : ಕಾರ್ಕಳ ವಿಧಾನಸಭಾ ಕ್ಷೇತ್ರದ ಬಿಜೆಪಿಯ ವಿಜೇತ ಅಭ್ಯರ್ಥಿ ವಿ ಸುನಿಲ್ಕುಮಾರ್ ಬೃಹತ್ ಮೆರವಣಿಗೆಯ ಮೂಲಕ ವಿಜಯೋತ್ಸವ ಆಚರಿಸಿದರು
ವಿಜಯೋತ್ಸವವು ಸಂಜೆ ಅನಂತಶಯನ ವೃತ್ತದಿಂದ ಬಂಡಿಮಠ ಬಸ್ ನಿಲ್ದಾಣ ತನಕ ಅದ್ದೂರಿಯಾಗಿ ನಡೆಯಿತು ಈ ಬಾರಿಯ ಹೋರಾಟದಲ್ಲಿ ಗೆಲುವಿಗೆ ಶ್ರಮಿಸಿದ ಬಿಜೆಪಿ ಕಾರ್ಯಕರ್ತರು ಮೆರವಣಿಗೆಯಲ್ಲಿ ಕುಣಿದು ಕುಪ್ಪಳಿಸಿ ಪಟಾಕಿ ಸಿಡಿಸಿ ಸಂಭ್ರಮಿಸಿದರು
ಈ ಚುನಾವಣೆಯಲ್ಲಿ ಹಲವು ವಿಷಯಗಳು ಕಲಿಯಲು ಸಿಕ್ಕಿದೆ ಯಾರು ನಿಜವಾದ ಕಾರ್ಯಕರ್ತರು ಕೆಲಸ ಮಾಡಿದ್ದಾರೆ ಯಾರು ನಮ್ಮವರು ಎಂದು ಗೊತ್ತಾಯಿತು 20 ವರ್ಷಗಳಲ್ಲಿ ಶಾಸಕನಾಗಿ ಸಚಿವನಾಗಿ ಅಭಿವೃದ್ಧಿಗೆ ಪ್ರಾಮಾಣಿಕ ಪ್ರಯತ್ನ ಮಾಡಿದ್ದೇನೆ ಮತ್ತೆ ಮುಂದುವರಿಸುತ್ತೇನೆ ಇಲ್ಲಿಯವರೆಗೆ ರಾಜಕಾರಣ ಮಾಡಿಲ್ಲ ಆದರೆ ಈ ಬಾರಿ ಚುನಾವಣೆ ಕೇವಲ ಅಭಿವೃದ್ದಿ ಮಾಡಿದರೆ ಸಾಕಾಗುವುದಿಲ್ಲ ಸ್ವಲ್ಪ ರಾಜಕಾರಣ ಮಾಡು ಎಂದು ಕಲಿಸಿಕೊಟ್ಟಿದೆ ಎಂದು ಕ್ಷೇತ್ರದ ಶಾಸಕರಾಗಿ ಆಯ್ಕೆಯಾದ ಸುನಿಲ್ ಕುಮಾರ್ ಅವರು ಹೇಳಿದರು ಕಾರ್ಕಳದಲ್ಲಿ ನಾಲ್ಕನೇ ಬಾರಿ ಶಾಸಕರಾಗಿ ಆಯ್ಕೆಯಾದ ನಿಮಿತ್ತ ನಡೆದ ಬೃಹತ್ ವಿಜಯೋತ್ಸವ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು
ತೆರೆದ ವಾಹನದಲ್ಲಿ ಸುನಿಲ್ ಕುಮಾರ್ ರವರು ಕಾರ್ಕಳದ ಜನತೆಗೆ ಕೈಮುಗಿದು ಧನ್ಯವಾದ ಅರ್ಪಿಸಿದರು ಇಡೀ ಕಾರ್ಕಳ ಪೇಟೆ ಕೇಸರಿಮಯವಾಗಿ ಕಂಗೊಳಿಸಿತು
