ನಾಲ್ವರು ಖದೀಮರ ಬಂಧನ
ಮಂಗಳೂರು : ಮಂಗಳೂರು ನಗರದ ಅಪಾರ್ಟ್ಮೆಂಟ್ ಒಂದರ ಮನೆಗಳಿಂದ ಚಿನ್ನಾಭರಣಗಳನ್ನು ಹಾಗೂ ನಗದನ್ನು ಕಳುವು ಮಾಡಿದ 4 ಆರೋಪಿಗಳನ್ನು ಕಳ್ಳತನದ ನಡೆದ ಮೂರೇ ಗಂಟೆಯ ಒಳಗೆ ಬಂಧಿಸಿದ ಪ್ರಕರಣ ವರದಿಯಾಗಿದೆ
ಹೊಸದಿಲ್ಲಿಯ ಮೊಮ್ಮದ್ ಆಸಿಫ್ (23 ವರ್ಷ) ಶೇಖ್‌ ಮೈದೂಲ್‌ (25 ವರ್ಷ) ವಕೀಲ್ ಅಹಮದ್ (34 ವರ್ಷ) ಮತ್ತು ಪಶ್ಚಿಮ ಬಂಗಾಳದ ರಫೀಕ್‌ ಖಾನ್ (28 ವರ್ಷ) ಬಂದಿತ ಆರೋಪಿಗಳು
ಮಂಗಳೂರು ಅತ್ತಾವರದ ಕೆಎಂಸಿ ಆಸ್ಪತ್ರೆಯ ಸಮೀಪದಲ್ಲಿರುವ ಅಪಾರ್ಟ್ಮೆಂಟ್ ಒಂದರ ಎರಡು ಮನೆಗಳ ಎದುರಿನ ಬಾಗಿಲುಗಳನ್ನು ಮುರಿದು ಕಪಾಟಿನಲ್ಲಿದ್ದ ಚಿನ್ನಾಭರಣ ಹಾಗೂ ನಗದನ್ನು ಸೇರಿ ಒಟ್ಟು 4.45.000 ಸಾವಿರ ಮೌಲ್ಯದ ಸ್ವತ್ತುಗಳನ್ನು ಕಳವು ಮಾಡಲಾಗಿತ್ತು
ಪ್ರಕರಣ ದಾಖಲಾದ ತಕ್ಷಣವೇ ಕಾರ್ಯ ಪ್ರವೃತ್ತರಾದ ಪೊಲೀಸರು ಪಣಂಬೂರು ಬೀಚ್ ಬಳಿ ಸಂಶಯಾಸ್ಪದ ರೀತಿಯಲ್ಲಿ ತಿರುಗಾಡುತ್ತಿದ್ದ ನಾಲ್ವರನ್ನು ವಶಕ್ಕೆ ಪಡಿಸಿ ವಿಚಾರಿಸಿದಾಗ ಅವರು ಅಪಾರ್ಟ್ಮೆಂಟ್ ನಲ್ಲಿ ಕಳವು ಮಾಡಿರುವುದಾಗಿ ತಪ್ಪೊಪ್ಪಿಕೊಂಡಿದ್ದಾರೆ
ಅವರ ವಶದಲ್ಲಿ ಚಿನ್ನಾಭರಣ ನಗದು ಹಾಗೂ ಕೃತ್ಯಕ್ಕೆ ಬಳಸಿದ ಎರಡು ಕಟ್ಟರ್ ಸ್ಕ್ರೂ ಡ್ರೈವರ್ ಕಬ್ಬಿಣದ ರಾಡ್ ಹಾಗೂ 7 ಮೊಬೈಲ್ಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದು ಹೆಚ್ಚಿನ ವಿಚಾರಣೆಯನ್ನು ಮುಂದುವರಿಸಿದ್ದಾರೆ
