ಸಿ.ಎಮ್.ಎ. – ಯು.ಎಸ್. ಪ್ರೋಗ್ರಾಂ ಕಾರ್ಯಾಗಾರ

ಕುಂದಾಪುರ : ಡಾ| ಬಿ. ಬಿ. ಹೆಗ್ಡೆ ಪ್ರಥಮ ದರ್ಜೆ ಕಾಲೇಜು, ಕುಂದಾಪುರ ಇಲ್ಲಿನ ವಾಣಿಜ್ಯ ಮತ್ತು ನಿರ್ವಹಣಾ ಸಂಘದ ವತಿಯಿಂದ ನಡೆದ ಸಿ.ಎಮ್.ಎ. – ಯು.ಎಸ್. ಪ್ರೋಗ್ರಾಂ ಮತ್ತು ಸ್ಕಾಲರ್‍ಶಿಪ್‍ನ ಕಾರ್ಯಾಗಾರ ಇತ್ತೀಚೆಗೆ ನಡೆಯಿತು. ಈ ಕಾರ್ಯಕ್ರಮದ ಮುಖ್ಯ ಅತಿಥಿಗಳಾಗಿ ಸಾಫ್ಟ್‍ಸ್ಕಿಲ್ ಟ್ರೈನರ್ ಮತ್ತು ‘ಕೋಕೋ ಕಾರ್ಟ್’ನ ಕೋ-ಫೌಂಡರ್ ಆಗಿರುವ ಶ್ರೀ ಸಚಿನ್ ಕುಮಾರ್ ಅವರು ಮತ್ತು ‘ಸಾಯಿ ವಿಶಿಷ್ಠ’ ಅಕಾಡೆಮಿಯ ಸಂಸ್ಥಾಪಕರು ಮತ್ತು ನಿರ್ದೇಶಕರು ಆಗಿರುವ ಶ್ರೀ ಪ್ರಧಾನ್ ಶೆಟ್ಟಿಯವರು ಆಗಮಿಸಿದ್ದರು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಕಾಲೇಜಿನ ಉಪಪ್ರಾಂಶುಪಾಲರಾದ ಶ್ರೀ ಚೇತನ್ ಶೆಟ್ಟಿ ಕೋವಾಡಿಯವರು ವಹಿಸಿದ್ದರು. ವಾಣಿಜ್ಯ ವಿಭಾಗದ ಮುಖ್ಯಸ್ಥೆ ಶ್ರೀಮತಿ ವೀಣಾ ಭಟ್, ಸಂಘಟಕರಾದ ಶ್ರೀ ರಾಜೇಶ್ ಶೆಟ್ಟಿ ವಕ್ವಾಡಿ, ಶ್ರೀ ರಜತ್ ಬಂಗೇರ ಉಪಸ್ಥಿತರಿದ್ದರು. ವಿದ್ಯಾರ್ಥಿಗಳಾದ ದೀಕ್ಷಾ ಪ್ರಾರ್ಥಿಸಿ, ಅಪೇಕ್ಷಾ ನಿರೂಪಿಸಿದರು.