129
ಕುಂದಾಪುರ : ತೆಕ್ಕಟ್ಟೆ ಸಮೀಪದ ಕೆದೂರು ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ದ್ವಿಚಕ್ರ ವಾಹನ ಸವಾರರೊಬ್ಬರು ದ್ವಿಚಕ್ರ ವಾಹನ ಸಹಿತ ಕೆರೆ ಬಿದ್ದು ಸಾವನ್ನಪ್ಪಿದ ಘಟನೆ ನಡೆದಿದೆ
ಭಾರಿ ಮಳೆಯ ಸಂದರ್ಭದಲ್ಲಿ ದ್ವಿಚಕ್ರ ವಾಹನದಲ್ಲಿ ತೆರಳುತ್ತಿದ್ದ ಮಲ್ಯಾಡಿ ಗ್ರಾಮದ ನಿವಾಸಿಯಾದ ದಿನಕರ ಶೆಟ್ಟಿ ಎಂಬವರು ರಸ್ತೆ ಬದಿಯ ಕೆರೆಗೆ ವಾಹನ ಸಹಿತ ಉರುಳಿ ಬಿದ್ದು ಮೃತ ಪಟ್ಟಿದ್ದಾರೆ
ತೆಕ್ಕಟ್ಟೆ ಸಮೀಪದ ಮಣೂರಿನ ಹಳ್ಳಿಮನೆ ಹೋಟೆಲ್‌ ನಲ್ಲಿ ಕ್ಯಾಶರ್ ಆಗಿದ್ದ ದಿನಕರ್ ರವರು ಎಂದಿನಂತೆ ಕೆಲಸ ಮುಗಿಸಿ ಸ್ಕೂಟರ್‌ ನಲ್ಲಿ ಮನೆಗೆ ಮರಳುತ್ತಿದ್ದರು ಆಗ ಭಾರಿ ಮಳೆ ಸುರಿಸಿದ ಕಾರಣ ರಸ್ತೆ ಸರಿಯಾಗಿ ಗೋಚರವಾಗದೇ ಆಕಸ್ಮಿಕವಾಗಿ ವಾಹನ ಸಮೇತ ಕೆರೆಗೆ ಬಿದ್ದಿರಬಹುದು ಎಂದು ಶಂಕಿಸಲಾಗಿದ್ದು ಕೋಟ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ
