ಕುಂದಾಪುರ : ನಗರದ ಮುಖ್ಯ ರಸ್ತೆಯಲ್ಲಿ ಕಳೆದ 40 ಕ್ಕೂ ಹೆಚ್ಚು ವರ್ಷಗಳಿಂದ ಪ್ರಿಂಟಿಂಗ್ ಪ್ರೆಸ್‌ ವ್ಯವಹಾರ ನಡೆಸುತ್ತಿದ್ದ ಅಜಂತಾ ಪ್ರಿಂಟರ್ಸ್‌ ಇದರ ಮಾಲಕರಾದ ಅನಂತ ಕೃಷ್ಣ ಕೊಡ್ಗಿಯವರು ಇಂದು ಬೆಳಿಗ್ಗೆ 9.00 ಗಂಟೆಯ ಸುಮಾರಿಗೆ ನಿಧನ ಹೊಂದಿದರು ಅವರಿಗೆ 74 ವರ್ಷ ವಯಸ್ಸಾಗಿತ್ತು
ಕುಂದಾಪುರ ಬೋರ್ಡ್‌ ಹೈಸ್ಕೂಲ್‌ ಹಾಗೂ ಭಂಡಾರ್ಕಾರ್ಸ್‌ ಕಾಲೇಜಿನ ಹಳೇ ವಿದ್ಯಾರ್ಥಿಯಾಗಿದ್ದ ಅವರು ತನ್ನ ವಿಧ್ಯಾಭ್ಯಾಸದ ನಂತರ ಸಿಂಡಿಕೇಟ್‌ ಭ್ಯಾಂಕಿನ ಉದ್ಯೋಗಿಯಾಗಿದ್ದರು ನಂತರ ಅವರು ಉದ್ಯೋಗಕ್ಕೆ ರಾಜೀನಾಮೆ ನೀಡಿ ತನ್ನ ಮಾವನಾದ ಸರ್ವೋತ್ತಮ ಹೆಬ್ಬಾರ್‌ ನಡೆಸುತ್ತಿದ್ದ ಅಜಂತಾ ಪ್ರಿಂಟರ್ಸ್‌ನ್ನು ಮುನ್ನೆಡಿಸಿ ಕಳೆದ 40 ವರ್ಷಗಳಿಂದ ಪ್ರಿಂಟಿಂಗ್ ವ್ಯವಹಾರದ ಮೂಲಕ ಜನಮನ್ನಣೆ ಗಳಿಸಿದ್ದರು
ಇವರು ಹಲವರು ವರ್ಷಗಳ ಕಾಲ ಕುಂದಾಪುರ ಬೋರ್ಡ್‌ ಹೈಸ್ಕೂಲ್‌ ಅಭಿವೃದ್ಧಿ ಸಮಿತಿಯ ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿ ದೇಣಿಗೆ ಸಂಗ್ರಹಿಸಿ ಕೊಠಡಿ ನಿರ್ಮಾಣ ಹಾಗೂ ಪ್ರತಿದಿನ 100ಕ್ಕೂ ಹೆಚ್ಚು ವಿದ್ಯಾರ್ಥಿಗಳಿಗೆ ಭೋಜನ ವ್ಯವಸ್ಥೆ ಮಾಡಿದ್ದರು ಬಿಜೆಪಿಯ ಪ್ರಾಮಾಣಿಕ ಕಾರ್ಯಕರ್ತರಾಗಿದ್ದು ಚುನಾವಣೆಯ ಸಂದರ್ಭಗಳಲ್ಲಿ ಸಕ್ರೀಯರಾಗಿರುತ್ತಿದ್ದರು
ಮಾಜಿ ಶಾಸಕರಾದ ಏ ಜಿ ಕೊಡ್ಗಿಯವರ ಸಹೋದರರಾದ ಇವರು ಪತ್ನಿ ಹಾಗೂ ಪುತ್ರ ಹಾಗೂ ಅಪಾರ ಬಂಧು ಮಿತ್ರರನ್ನು ಅಗಲಿದ್ದಾರೆ ಅವರ ನಿಧನಕ್ಕೆ ಕುಂದಾಪುರದ ಮಾಣಿಗೋಪಾಲ್‌ ಮಾಜಿ ಪುರಸಭಾ ಅಧ್ಯಕ್ಷರಾದ ಮೋಹನ್‌ ಶಣೈ ರಾಜೇಶ್‌ ಕಾವೇರಿ ಬಿಜೆಪಿ ಜಿಲ್ಲಾಧ್ಯಕ್ಷ ಕಿಶೋರ್‌ ಕುಮಾರ್ ರವರು ಕಂಬನಿ ಮಿಡಿದಿದ್ದಾರೆ
