1.5K
ರಿಕ್ಷಾ ಅಪಘಾತ ಓರ್ವ ಸಾವು
ಕುಂದಾಪುರ : ಕುಂದಾಪುರದ ತ್ರಾಸಿ ಬಳಿಯ ಮೋವಾಡಿ ಎಂಬಲ್ಲಿ ರಿಕ್ಷಾವೊಂದು ಮರಕ್ಕೆ ಢಿಕ್ಕಿ ಹೊಡೆದು ಮಗುಚಿ ಬಿದ್ದ ಪರಿಣಾಮ ರಿಕ್ಷಾದ ಹಿಂಬದಿ ಸೀಟಿನಲ್ಲಿ ಕುಳಿತಿದ್ದ ಕುಂದಾಪುರ ನಗರದ ಫಿಶ್‌ ಮಾರ್ಕೇಟ್‌ ರಸ್ತೆಯ ನಿವಾಸಿಯಾದ ಭಾಸ್ಕರ ಪೂಜಾರಿ (33ವರ್ಷ) ಎಂಬವರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ
ಆದಿತ್ಯವಾರ ರಾತ್ರಿ ರಿಕ್ಷಾ ಚಾಲಕನಾದ ಗುರು ತನ್ನ ಸ್ನೇಹಿತನಾದ ಭಾಸ್ಕರ ಯಾನೆ ಭಾಸ ನೊಂದಿಗೆ ಮೊವಾಡಿಯ ತಮ್ಮ ಸಂಬಂಧಿಕರ ಮನೆಗೆ ಮೆಹಂದಿ ಸಮಾರಂಭಕ್ಕೆ ತೆರಳಿದ್ದು ಮರಳಿ ಕುಂದಾಪುರದ ಮನೆಗೆ ಬರುತ್ತಿರುವಾಗ ಮೊವಾಡಿಯ ಕಿರುದಾದ ಸೇತುವೆಯ ಹತ್ತಿರ ಎದುರುಗಡೆಯಿಂದ ಬಂದ ರಿಕ್ಷಾವನ್ನು ತಪ್ಪಿಸಲು ಹೋಗಿ ಈ ಘಟನೆ ಸಂಭವಿಸಿದೆ
ಹಿಂಬದಿ ಸೀಟಿನಲ್ಲಿದ್ದ ಅವಿವಾಹಿತನಾದ ಭಾಸ್ಕರ ಪೂಜಾರಿಯ ತಲೆಗೆ ಗಂಭೀರ ಗಾಯವಾಗಿ ಸ್ಥಳದಲ್ಲೇ ಮೃತಪಟ್ಟರೇ ಚಾಲಕ ಗುರು ಸಣ್ಣ ಪುಟ್ಟ ಗಾಯಗಳೊಂದಿಗೆ ಪಾರಾಗಿದ್ದು ನಗರದ ಚಿನ್ಮಯಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು ಗಂಗೊಳ್ಳಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ
