ವಿಲ್ ಫ್ರೆಡ್‌ ಡಿ ಸೋಜಾರಿಗೆ ಸನ್ಮಾನ
ಕುಂದಾಪುರ:ಉಡುಪಿ ಜಿಲ್ಲಾ ಕ್ರೀಡೆ ಮತ್ತು ಯುವ ಜನ ಸೇವೆಗಳ ಅಧಿಕಾರಿಯಾದ ವಿಲ್ ಫ್ರೆಡ್‌ ಡಿ ಸೋಜಾರವರನ್ನು ಕುಂದಾಪುರದ ಶ್ರೀ ಮೈಲಾರೇಶ್ವರ ಯುವಕ ಮಂಡಲದ ವತಿಯಿಂದ ಸನ್ಮಾನಿಸಲಾಯಿತು ಸನ್ಮಾನ ಸ್ವೀಕರಿಸಿ ಮಾತನಾಡಿದ ಅವರು ಉಡುಪಿ ಜಿಲ್ಲೆಯಲ್ಲಿ ಸಕ್ರೀಯವಾಗಿರುವ ಯುವಕ ಮಂಡಲ ಹಾಗೂ ಯುವತಿ ಮಂಡಲಗಳ ಸೇವೆ ನಿಜಕ್ಕೂ ಸ್ಮರಣೀಯವಾಗಿದ್ದು ಕೋವಿಡ್‌ ಸಂಕಷ್ಟ ಕಾಲದಲ್ಲಿ ಸಂತ್ರಸ್ಥರ ನೆರವಿಗೆ ಸ್ಪಂಧಿಸಿದಂತಹ ರೀತಿ ನಿಜಕ್ಕೂ ಮಾದರಿಯಾಗಿದೆ ಎಂದು ನುಡಿದರು
ಮುಖ್ಯ ಅತಿಥಿಯಾಗಿ ಆಗಮಿಸಿದ ರಾಘವೇಂದ್ರ ಚರಣ್‌ ರವರು ಮಾತನಾಡಿ ವಿಲ್ ಫ್ರೆಡ್‌ ಡಿ ಸೋಜಾರವರು ಕ್ರೀಡೆ ಮತ್ತು ಯುವಜನ ಸೇವಾ ಇಲಾಖೆಯಲ್ಲಿ ಪ್ರಾಮಾಣಿಕವಾಗಿ ಕೆಲಸ ಮಾಡಿದ್ದು ಸರಕಾರದ ಸವಲತ್ತುಗಳನ್ನು ಯುವಕ ಮಂಡಲಗಳ ಮೂಲಕ ಗ್ರಾಮೀಣ ಭಾಗದ ಕಟ್ಟಕಡೆಯ ವ್ಯಕ್ತಿಗೆ ತಲುಪಿಸುವಲ್ಲಿ ಯಶಸ್ವಿಯಾಗಿರುದು ಅವರ ಪ್ರಾಮಾಣಿಕ ಸೇವೆಗೆ ಸಾಕ್ಷಿ ಎಂದರು ಸಭೆಯಲ್ಲಿ ಗುಜ್ಜಾಡಿಯ ಮಾರಿಕಾಂಬ ಮಹಿಳಾ ಮಂಡಳಿ ಹೆಮ್ಮಾಡಿಯ ಮಹಾವಿಷ್ಣು ಯುವಕ ಮಂಡಲದ ಸದಸ್ಯರು ಉಪಸ್ಥಿತರಿದ್ದರು ಡಿ ಸತೀಶ ನಿರೂಪಿಸಿದ ಕಾರ್ಯಕ್ರಮದಲ್ಲಿ ಯುವಕ ಮಂಡಲದ ಅಧ್ಯಕ್ಷರಾದ ಜಿ ಆರ್‌ ಪ್ರಕಾಶ್‌ ರವರು ಸ್ವಾಗತಿಸಿ ಕಾರ್ಯದರ್ಶಿ ಕೆ ಪಿ ಸುಧೀರ್‌ ವಂದಿಸಿದರು
