ಬೈಂದೂರು : ರಾಜ್ಯದಲ್ಲಿ 2023 24 ಹಾಗೂ 2024 25 ನೇ ಸಾಲಿನಲ್ಲಿ ನಡೆದಿರುವ ಬಾಲ್ಯ ವಿವಾಹ ಹಾಗೂ ಈ ಸಾಮಾಜಿಕ ಪಿಡುಗುಗಳನ್ನು ನಿವಾರಿಸಲು ಸರಕಾರ ಕೈಗೊಂಡ ಕಾನೂನು ಕ್ರಮಗಳ ಹಾಗೂ ಜಾಗೃತಿ ಕ್ರಮಗಳ ಕುರಿತು ಶಾಸಕರಾದ ಗುರುರಾಜ್ ಶೆಟ್ಟಿ ಗಂಟಿಹೊಳೆ ಅವರು ಸರಕಾರವನ್ನು ಆಗ್ರಹಿಸಿದ್ದಾರೆ.
ವಿಧಾನ ಮಂಡಲ ಅಧಿವೇಶನದಲ್ಲಿ ಈ ಬಗ್ಗೆ ಚುಕ್ಕೆ ರಹಿತ ಪ್ರಶ್ನೆಗೆ ಉತ್ತರಿಸಿದ ರಾಜ್ಯ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯ ಸಚಿವೆ ಲಕ್ಷ್ಮಿ ಹೆಬ್ಬಾಳ್ಕರ್ ಅವರು, ರಾಜ್ಯದಲ್ಲಿ ಕಳೆದ 2023 – 24 2024- 25,ಮತ್ತು 2025 ರ ಜೂನ್ ವರೆಗೆ ಒಟ್ಟು 1630 ಬಾಲ್ಯ ವಿವಾಹ ನಡೆದಿದೆ ಎಂಬುದನ್ನು ತಿಳಿಸಿರುತ್ತಾರೆ. ಇದರಲ್ಲಿ 2023-24 ರಲ್ಲಿ 719 ಪ್ರಕರಣ, 2024-25 ರಲ್ಲಿ 700 ಹಾಗೂ 2025-26 ರಲ್ಲಿ ಜೂನ್ ವರೆಗೆ 211 ಪ್ರಕರಣಗಳು ಇರುವುದಾಗಿದೆ
ಉಡುಪಿ ಜಿಲ್ಲೆಯಲ್ಲಿ ಕಳೆದೆರಡು ವರ್ಷಗಳಲ್ಲಿ 10 ಬಾಲ್ಯ ವಿವಾಹ :
ಉಡುಪಿ ಜಿಲ್ಲೆಯಲ್ಲಿ 2023-24 ರಲ್ಲಿ ಒಟ್ಟು 04 ಹಾಗೂ 2024-25 ರಲ್ಲಿ ಒಟ್ಟು 06 ಬಾಲ್ಯ ವಿವಾಹ ಪ್ರಕರಣ ದಾಖಲಾಗಿದೆ. ಇದರಲ್ಲಿ 03 ಕುಟುಂಬ ಹೊರ ರಾಜ್ಯಕ್ಕೆ ಸಂಬಂದಿಸಿದ್ದು, 04 ಕುಟುಂಬಗಳು ಹೊರ ಜಿಲ್ಲೆಗೆ ಸoಬಂಧಿಸಿದ್ದು ಹಾಗೂ 03 ಪ್ರಕರಣಗಳು ಸ್ಥಳೀಯ ಕುಟುಂಬಕ್ಕೆ ಸೇರಿದ್ದು ಎಂಬುದಾಗಿ ಶಾಸಕರ ಪ್ರಶ್ನೆಗೆ ಸಚಿವರು ಉತ್ತರಿಸಿದ್ದಾರೆ
