224
ಕುಂದಾಪುರ : ನಿನ್ನೆ ಹೃದಯಾಘಾತದಿಂದ ನಿಧನ ಹೊಂದಿದ ಡಾ. ಸತೀಶ್‌ ಪೂಜಾರಿಯವರ ಅಂತ್ಯಕ್ರಿಯೆಯು ಇಂದು ಬೆಳಿಗ್ಗೆ ಕೋಟ-ಮಣೂರಿನ ತನ್ನ ಸ್ವಗೃಹದಲ್ಲಿ ನಡೆಯಲಿದೆ
ಡಾ. ಸತೀಶ್‌ ಪೂಜಾರಿಯವರು ಕುಂದಾಪುರ ಶ್ರೀಮಾತಾ ಆಸ್ಪತ್ರೆ ಹಾಗೂ ಕೋಟ ಪರಿವರ್ತನಾ ಆಸ್ಪತ್ರೆಯ ಆಡಳಿತ ಪಾಲುದಾರರಾಗಿದ್ದರು. ಹವ್ಯಾಸಿ ಗಾಯಕರಾಗಿದ್ದು ಅಮೃತೇಶ್ವರೀ, ಗೋಳಿಗರಡಿ ಕ್ಷೇತ್ರದ ಭಕ್ತಿಗೀತೆಗಳಿಗೆ ಧ್ವನಿಯಾಗಿದ್ದರು.
ಸಂಗೀತ ರಸಮಂಜರಿಗಳಲ್ಲೂ ಕಾರ್ಯಕ್ರಮ ನೀಡಿದ್ದರು. ಡಾ| ಎಸ್. ಜಾನಕಿ ಅವರ ಕಟ್ಟಾ ಅಭಿಮಾನಿಯಾಗಿ ಪ್ರತಿ ವರ್ಷ ಡಾ| ಎಸ್. ಜಾನಕಿ ರಾಷ್ಟ್ರೀಯ ಪುರಸ್ಕಾರ ಆಯೋಜಿಸಿ ಹಂಸಲೇಖಾ, ಬಿ.ಆರ್.ಛಾಯಾ, ರಾಜೇಶ್ ಕೃಷ್ಣನ್ ಮೊದಲಾದ ನಾಡಿನ ಹಲವು ಮಂದಿ ಗಣ್ಯರನ್ನು ಕುಂದಾಪುರ ಭಾಗಕ್ಕೆ ಕರೆಸಿ ಪ್ರಶಸ್ತಿ, ಕಾರ್ಯಕ್ರಮಗಳನ್ನು ನೀಡಿದ್ದರು. ಮನಸ್ಥಿತಾ ಫೌಂಡೇಶನ್ ಮೂಲಕ ಸಮಾಜ ಸೇವೆಯಲ್ಲೂ ತೊಡಗಿಕೊಂಡಿದ್ದರು.
