ಕುಂದಾಪುರ : ಕುಂದಾಪುರ ನಗರದ ಸಂಗಮ್ ಬಳಿಯ ನಿವಾಸಿ ಹಾಗೂ ಕಾಂಗ್ರೆಸ್ ಮುಖಂಡರಾದ ಜಾಕೋಬ್ ಡಿಸೋಜ ಅವರ ಅಂತ್ಯವಿಧಿಯು ಭಾನುವಾರ ಸಂಜೆ ನಗರದ ಚರ್ಚ್‌ ರಸ್ತೆಯ ಹೋಲಿ ರೋಜರಿ ಇಗರ್ಜಿಯಲ್ಲಿ ಸಕಲ ಧಾರ್ಮಿಕ ವಿಧಿ ವಿಧಾನಗಳೊಂದಿಗೆ ನೆರವೇರಿತು ಕುಂದಾಪುರದ ಶಾಸಕ ಕಿರಣ್‌ ಕುಮಾರ್‌ ಕೊಡ್ಗಿ ಪುರಸಭಾ ಸದಸ್ಯ ಮೋಹನ್‌ ದಾಸ್‌ ಶೆಣೈ ಮೃತರ ಮನೆಗೆ ಆಗಮಿಸಿ ಸಾಂತ್ವಾನ ಹೇಳಿದರು
ಭಾನುವಾರ ಸಂಜೆ 4.00 ಗಂಟೆಗೆ ಮೃತರ ಮನೆಯಿಂದ ಇಗರ್ಜಿ ತನಕ ಪುರ ಮೆರವಣಿಗೆ ನಡೆಯಿತು ಕುಂದಾಪುರ ನಗರದ ಚಿಕ್ಕನ್‌ ಸಾಲ್‌ ರಸ್ತೆಯ ಮೂಲಕ ಮುಖ್ಯ ರಸ್ತೆಯಲ್ಲಿ ಸಾಗಿದ ಪಾರ್ಥಿವ ಶರೀರದ ಪುರ ಮೆರವಣಿಗೆಯು ಚರ್ಚ್‌ ರಸ್ತೆಯಲ್ಲಿರುವ ಹೋಲಿ ರೋಜರಿ ಇಗರ್ಜಿಯಲ್ಲಿ ಸಮಾಪನಗೊಂಡಿತು ಮೆರವಣಿಗೆಯ ಮಧ್ಯದಲ್ಲಿ ಅವರ ಪ್ರೀತಿ ಪಾತ್ರರು ಅಭಿಮಾನಿಗಳು ಹೂಮಾಲೆ ಸಮರ್ಪಿಸಿ ಗೌರವ ನಮನ ಸಲ್ಲಿಸಿದರು ಇಗರ್ಜಿಯ ಧರ್ಮಗುರು ಪಾವ್ಲ್ ರೇಗೊ ಅಂತ್ಯಸಂಸ್ಕಾರದ ಧಾರ್ಮಿಕ ವಿಧಿ ನೆರವೇರಿಸಿದರು. ಪತ್ರಕರ್ತ ಕೆ ಸಿ ರಾಜೇಶ್ ನುಡಿನಮನ ಸಲ್ಲಿಸಿದರು
ಕೆಎಸ್‌ಆರ್ ಟಿಸಿ ಸಲಹಾ ಸಮಿತಿ ಮಾಜಿ ಸದಸ್ಯ ಡೇವಿಡ್ ಸಿಕ್ಖೇರ, ತಾಪಂ ಮಾಜಿ ಸದಸ್ಯ ಪ್ರಭು ಕೆನಡಿ ಪಿರೇರ, ಜಿಪಂ ಮಾಜಿ ಸದಸ್ಯ ಶಂಕರ ಪೂಜಾರಿ, ಪುರಸಭೆ ಮಾಜಿ ಅಧ್ಯಕ್ಷ ಹಾರೂನ್ ಸಾಹೇಬ್, ಪುರಸಭೆ ಸದಸ್ಯ ರಾದ ಅಬು ಮಹಮ್ಮದ್, ಚಂದ್ರಶೇಖರ ಖಾರ್ವಿ, ಕೆ.ಜಿ. ನಿತ್ಯಾನಂದ,ದೇವಕಿ ಸಣ್ಣಯ್ಯ ಶ್ರೀಧರ್‌ ಶೇರಿಗಾರ ಕುಂದಾಪುರ ಬ್ಲಾಕ್ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ವಿನೋದ್ ಕ್ರಾಸ್ತಾ, ಟ್ಯಾಕ್ಸಿ ಮೆಟಾಡೋರ್ ಅಸೋಸಿಯೇಶನ್ (ಇಂಟಕ್) ಪದಾಧಿಕಾರಿಗಳು, ರಾಯಲ್ ಕ್ಲಬ್ ಪದಾಧಿಕಾರಿಗಳು, ಸಂಗಮ್ ಫ್ರೆಂಡ್ಸ್ ಪದಾಧಿಕಾರಿ ಗಳು, ಮೈಲಾರೇಶ್ವರ ಯುವಕ ಮಂಡಲ ಪದಾಧಿಕಾರಿಗಳು, ಚಿಕ್ಕಮ್ಮ ಫ್ರೆಂಡ್ಸ್ ಸದಸ್ಯರು, ವಿವಿಧ ಸಂಘ ಸಂಸ್ಥೆಯವರು ಭಾಗವಹಿಸಿದ್ದರು
