ಕುಂದಾಪುರ : ಜೇಸಿಐ ಕುಂದಾಪುರ ಘಟಕದ ವತಿಯಿಂದ ತೆರೆಮರೆಯಲ್ಲಿ ತಮ್ಮಷ್ಟಕ್ಕೆ ತಾವೇ ಯಾವುದೇ ಪ್ರತಿಫಲ ಅಪೇಕ್ಷೆ ಇಲ್ಲದೆ ಅನುಪಮ ಸೇವೆಯನ್ನು ಸಲ್ಲಿಸುತ್ತಿರುವ ಕುಂದಾಪುರದ ಸರಕಾರಿ ಆಸ್ಪತ್ರೆಯ ಶುಶ್ರೂಷಕಾಧಿಕಾರಿ ಶ್ರೀಮತಿ ಮಂಜುಳ ಟಿ. ಇವರನ್ನು ಗುರುತಿಸಿ ಸನ್ಮಾನ ಕಾರ್ಯಕ್ರಮ ನಡೆಯಿತು. ಘಟಕ ಅಧ್ಯಕ್ಷರಾದ ಜೇಸಿ ಚಂದನ್ ಗೌಡ ಸನ್ಮಾನಿಸಿ, ಜನರ ಆರೋಗ್ಯ ಕಾಳಜಿಯನ್ನು ಪ್ರಾಮಾಣಿಕ ವಾಗಿ ಮಾಡಿ ಅತ್ಯುತ್ತಮ ಸೇವೆ ಸಲ್ಲಿಸುತ್ತಿರುವವರನ್ನು ಗೌರವಿಸುವುದರಿಂದ ನಮ್ಮ ಸಂಸ್ಥೆಗೂ ಗೌರವ ದೊರೆತಂತಾಯಿತು ಎಂದು ಶ್ಲಾಘಿಸಿದರು. ನಿಕಟ ಪೂರ್ವ ಅಧ್ಯಕ್ಷ ಜೇಸಿ ಸುಧಾಕರ್ ಕಾಂಚನ್, ಮಹಿಳಾ ಜೇಸಿ ಸಂಯೋಜಕಿ ಜೇಸಿ ಶರ್ಮಿಳಾ ಕಾರಂತ್ ,ಯುವ ಜೇಸಿ ಅಧ್ಯಕ್ಷ ಜೇಜೇಸಿ ಆರುಷ್ ಐತಾಳ ಕಾರ್ಯದರ್ಶಿ ಜೇಸಿ ಚೇತನ್ ದೇವಾಡಿಗ, ಪೂರ್ವಾಧ್ಯಕ್ಷರಾದ ಜೇಸಿ ಅಕ್ಷತಾ ಗಿರೀಶ್ ಐತಾಳ ಜೇಸಿ ವಿಜಯ್ ನರಸಿಂಹ ಐತಾಳ ಉಪಾಧ್ಯಕ್ಷರಾದ ಜೇಸಿ ರಾಕೇಶ್ ಶೆಟ್ಟಿ , ರವಿಚಂದ್ರ,ಜೇಜೇಸಿ ಕಾರ್ಯದರ್ಶಿ ರತ್ವಿಕ್ ಉಪಸ್ಥಿತರಿದ್ದರು. ಕಾರ್ಯದರ್ಶಿ ಜೇಸಿ ಚೇತನ್ ದೇವಾಡಿಗ ವಂದಿಸಿದರು
