ಕುಂದಾಪುರ : ಭಾರತೀಯ ಜೇಸಿಸ್ ನ ವಲಯ15 ರ ಹಿರಿಯ ಘಟಕವಾದ ಜೇಸಿಐ ಕುಂದಾಪುರದ 50 ನೇ ವರ್ಷದ ಸುವರ್ಣ ಮಹೋತ್ಸವ ಪದ ಪ್ರಧಾನ ಸಮಾರಂಭವು ಬಹಳಷ್ಟು ಅದ್ದೂರಿಯಾಗಿ ವಿಜೃಂಭಣೆಯಿಂದ ಜೇಸಿಐ ಕುಂದಾಪುರದ ಜೇಸಿ ಭವನದಲ್ಲಿ ನಡೆಯಿತು 2023 ನೇ ಸಾಲಿನ ಅಧ್ಯಕ್ಷರಾದ ಜೇಸಿ ಸುಧಾಕರ್ ಕಾಂಚನ್ ಗತ ವರ್ಷದ ಸಾಧನೆಗಳ ವರದಿಯನ್ನು ವಾಚಿಸಿದರು..
ನೂತನವಾಗಿ ಆಯ್ಕೆಗೊಂಡ ಸುವರ್ಣ ಸಂಭ್ರಮದ ಅಧ್ಯಕ್ಷರಾದ ಜೇಸಿ ಚಂದನ್ ಗೌಡರವರು ಅಧಿಕಾರ ಸ್ವೀಕರಿಸಿದರು ಪದಪ್ರಧಾನ ಸಮಾರಂಭದಲ್ಲಿ ಸುಮಾರು 10 ಕ್ಕೂ ಹೆಚ್ಚು ಯುವಕ, ಯುವತಿಯರು ಜೇಸಿ ಆಂದೋಲನಕ್ಕೆ ಸೇರ್ಪಡೆಗೊಂಡರು.
ಮುಖ್ಯ ಅತಿಥಿಯಾಗಿ ಆಗಮಿಸಿದ ಜೇಸಿಐ ಕುಂದಾಪುರದ ಸ್ಥಾಪಕ ಅಧ್ಯಕ್ಷರಾದ ಜೇಸಿ ಎ.ಎಸ್.ಏನ್. ಹೆಬ್ಬಾರ್ ನೂತನ ಅಧ್ಯಕ್ಷರಿಗೆ ಶುಭ ಹಾರೈಸಿದರು. ಇನ್ನೋರ್ವ ಮುಖ್ಯ ಅತಿಥಿ ಡಾ.ಉಮೇಶ್ ಪುತ್ರನ್ ಆಡಳಿತ ನಿರ್ದೇಶಕರು ಚಿನ್ಮಯಿ ಆಸ್ಪತ್ರೆ ಕುಂದಾಪುರ ಹಾಗೂ ಜೇಸಿಐ ಕುಂದಾಪುರ ಚಾರಿಟೇಬಲ್ ಟ್ರಸ್ಟ್ ಅಧ್ಯಕ್ಷರಾದ ಜೇಸಿ ರಾಧಾಕೃಷ್ಣ ಯು. ಉಪಸ್ಥಿತರಿದ್ದರು. 2022 ಸಾಲಿನ ಅಧ್ಯಕ್ಷರಾದ ಜೇಸಿ ನಾಗರತ್ನ ಜಿ ಹೇರ್ಳೆ ಇವರನ್ನು ಪೂರ್ವ ಅಧ್ಯಕ್ಷರ ಬಳಗಕ್ಕೆ ಸೇರ್ಪಡೆಗೊಳಿಸಲಾಯಿತು.
ಜೇಸಿಐ ಕುಂದಾಪುರ ವತಿಯಿಂದ ಸುವರ್ಣ ಚಂದನ ಶೀರ್ಷಿಕೆಯ ವಿವಿಧ ಕ್ಷೇತ್ರಗಳ 5 ಮಂದಿ ಸಾಧಕರಾದ ಶ್ರೀ ಶ್ರೀಧರ್ ಐತಾಳ್ ಕೋಟೇಶ್ವರ ಶ್ರೀ ಕಿರಣ್ ಕುಮಾರ್ ಕುಂದಾಪುರ, ಶ್ರೀ ಪ್ರದೀಪ್ ಬಸ್ರೂರು, ಶ್ರೀ ಕಾಳಿಂಗ ಹೊಳ್ಳ ಕುಂದಾಪುರ,ಶ್ರೀ ಪದ್ಮನಾಭ ಪೂಜಾರಿ ಹಟ್ಟಿಕುದ್ರು ಇವರುಗಳ ಅನುಪಮ ಸೇವೆಯನ್ನು ಗುರುತಿಸಿ ಈ ಸಂದರ್ಭದಲ್ಲಿ ಸನ್ಮಾನಿಸಲಾಯಿತು.. ಘಟಕದ ನಿಕಟ ಪೂರ್ವ ಅಧ್ಯಕ್ಷರಾದ ಜೇಸಿ ಸುಧಾಕರ್ ಕಾಂಚನ್ , ಮಹಿಳಾ ಜೇಸಿ ಸಂಯೋಜಕಿ ಜೇಸಿ ಶರ್ಮಿಳ ಕಾರಂತ್ , ಯುವ ಜೇಸಿ ಅಧ್ಯಕ್ಷ ಜೇಜೇಸಿ ಅರುಷ್ ಐತಾಳ್ ಜೆಸಿಐ ಕುಂದಾಪುರ ಪೂರ್ವ ಅಧ್ಯಕ್ಷರು, ಘಟಕದ ಪದಾಧಿಕಾರಿಗಳು ,ಕುಂದಾಪುರ ಜೇಸಿ ಸದಸ್ಯರು ಮಹಿಳಾ ಜೇಸಿ ಸದಸ್ಯರು, ಜೂನಿಯರ್ ಜೆಸಿ ಸದಸ್ಯರು ಉಪಸ್ಥಿತರಿದ್ದರು ನೂತನ ಕಾರ್ಯದರ್ಶಿ ಜೇಸಿ ಚೇತನ್ ದೇವಾಡಿಗ ಧನ್ಯವಾದ ಸಮರ್ಪಿಸಿದರು
