ಕುಂದಾಪುರ : ನಗರದ ಫಿಶ್ ಮಾರ್ಕೆಟ್ ರಸ್ತೆಯ ಎಪಿಎಂಸಿ ಮಾರ್ಕೆಟ್ ಬಳಿಯ ಕಾಳಿಬೆಟ್ಟು ಶ್ರೀ ನಾಗಬೊಬ್ಬರ್ಯ ದೇವಸ್ಥಾನ ಇದರ 12ನೇ ವರ್ಷದ ಪ್ರತಿಷ್ಠಾವರ್ಧಂತ್ಯೋತ್ಸವ ಹಾಗೂ ಸಹ ಪರಿವಾರ ದೈವಸ್ಥಾನದ ವಾರ್ಷಿಕ ಗೆಂಡ ಮಹೋತ್ಸವವು ನಾಳೆ ಫೆ. 29ರಂದು ಗುರುವಾರ ಜರುಗಲಿದೆ
ನಾಳೆ ಬೆಳಿಗ್ಗೆ 7.00 ರಿಂದ ಶ್ರೀ ನಾರಾಯಣ ಹೊಳ್ಳರ ನೇತೃತ್ವದಲ್ಲಿ ಧಾರ್ಮಿಕ ವಿಧಿ ವಿಧಾನಗಳು ನಡೆಯಲಿದ್ದು ಬೆಳಿಗ್ಗೆ ಶ್ರೀ ದೇವರಿಗೆ ಫಲ ಸಮರ್ಪಣೆ, ಗುರು ಪ್ರಾರ್ಥನೆ ಗಣಪತಿ ಪೂಜೆ ಸ್ವಸ್ತಿ ಪುಣ್ಯಾಹ ವಾಚನ ಪ್ರಧಾನ ಹೋಮ ಪ್ರಧಾನ ಕಳಶ ಸ್ಥಾಪನೆ ಕಲಾತತ್ವ ಹೋಮ ಶ್ರೀ ನಾಗದೇವರಿಗೆ ಹಾಗೂ ಸಹ ಪರಿವಾರ ಬೊಬ್ಬರ್ಯ ದೇವರಿಗೆ ಕಲಾಶಾಭಿಷೇಕ ಮಹಾಪೂಜೆ ಹಾಗೂ ಮಹಾ ಮಂಗಳಾರತಿ ನಡೆಯಲಿದೆ ನಂತರ ಶ್ರೀ ನಾಗದೇವರ ದರ್ಶನ ಪ್ರಸಾದ ವಿತರಣೆ ಹಾಗೂ ಪಲ್ಲಪೂಜೆ ನಡೆಯಲಿದೆ ಮಧ್ಯಾಹ್ನ 12:30 ಕ್ಕೆ ಸಾರ್ವಜನಿಕ ಮಹಾ ಅನ್ನಸಂತರ್ಪಣೆ ಜರುಗಲಿದೆ
ರಾತ್ರಿ ಗಂಟೆ 7.00ಕ್ಕೆ ಶ್ರೀ ಕಾಳಿ ಮತ್ತು ಸಪರಿವಾರ ದೈವಗಳ ದರ್ಶನ ಹಾಗೂ ಗೆಂಡ ಮಹೋತ್ಸವ ನಡೆಯಲಿದೆ 7:30ಕ್ಕೆ ಮಹಾಪೂಜೆ ಹಾಗೂ ಪ್ರಸಾದ ವಿತರಣೆ ನಡೆಯಲಿದೆ
ಭಕ್ತಾದಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ದೇವತಾ ಕಾರ್ಯಗಳಲ್ಲಿ ಪಾಲ್ಗೊಂಡು ಶ್ರೀದೇವರ ಸಿರಿಮುಡಿ ಗಂಧ ಪ್ರಸಾದವನ್ನು ಸ್ವೀಕರಿಸಿ ಶ್ರೀ ದೇವರ ಕೃಪೆಗೆ ಪಾತ್ರರಾಗಬೇಕೆಂದು ಗೌರವ ಅಧ್ಯಕ್ಷರಾದ ಶ್ರೀ ಕೆ ರಮಾನಾಥ ನಾಯ್ಕ್ ಹಾಗೂ ಅಧ್ಯಕ್ಷರಾದ ಎಸ್ ಜನಾರ್ಧನ್ ಮತ್ತು ಪ್ರಧಾನ ಕಾರ್ಯದರ್ಶಿಗಳಾದ ಗಣೇಶ್ ನಡುಮನೆ ವಿನಂತಿಸಿಕೊಂಡಿದ್ದಾರೆ
