ಕೊಡ್ಗಿ ಜಯಭೇರಿಗೆ ಹಾಲಾಡಿ ಪ್ರಚಾರ

ಗೆಲುವಿನ ಅಂತರ ಹೆಚ್ಚಿಸುವ ಸಂಕಲ್ಪ
ಕುಂದಾಪುರ : ಜಿಲ್ಲೆಯಲ್ಲಿ ವಿಧಾನಸಭಾ ಚುನಾವಣೆಯ ಕಾವು ರಂಗೇರುತ್ತಿದ್ದು, ಅಭ್ಯರ್ಥಿಗಳು ಭರದಿಂದ ಪ್ರಚಾರ ಕಾರ್ಯದಲ್ಲಿ ತೊಡಗಿದ್ದಾರೆ. ರಾಜಕಾರಣದಲ್ಲಿ ರಾಜ್ಯಕ್ಕೆ ಮಾದರಿಯಾಗಿರುವ ಕುಂದಾಪುರ ವಿಧಾನಸಭಾ ಕ್ಷೇತ್ರದ ಶಾಸಕ ಹಾಲಾಡಿ ಶ್ರೀನಿವಾಸ್ ಶೆಟ್ಟಿಯವರು, ತಮ್ಮ ಆಪ್ತಮಿತ್ರ ಬಿಜೆಪಿ ಅಭ್ಯರ್ಥಿ ಕಿರಣ್ ಕೊಡ್ಗಿಯವರಿಗಾಗಿ ಮನೆ ಮನೆಗೆ ತೆರಳಿ ಪ್ರಚಾರ ಮಾಡುತ್ತಿದ್ದಾರೆ. ಕಿರಣ್ ಕೊಡ್ಗಿಯವರನ್ನು ಗೆಲ್ಲಿಸುವುದಷ್ಟೇ ಹಾಲಾಡಿಯವರ ಗುರಿ ಅಲ್ಲ. ಬದಲಿಗೆ ತನ್ನ ಗೆಲುವಿನ ಅಂತರಕ್ಕಿಂತ ತನ್ನ ಆತ್ಮಿಯನಾದ ಕಿರಣ್‌ ಕೊಡ್ಗಿ ಯವರ ಗೆಲುವಿನ ಅಂತರ ಹೆಚ್ಚಿಸುವ ಸಂಕಲ್ಪದೊಂದಿಗೆ ಹಾಲಾಡಿಯವರು ಪ್ರಚಾರಕ್ಕಿಳಿದಿರುವುದು ವಿಶೇಷ.
1999 ರಿಂದ ಕುಂದಾಪುರ ಕುಂದಾಪುರ ವಿಧಾನಸಭಾ ಕ್ಷೇತ್ರಕ್ಕೆ ಬಿಜೆಪಿಯ ಅಭ್ಯರ್ಥಿಯಾಗಿ ಸ್ಪರ್ಧಿಸಿ ಜಯಶೀಲರಾದ ಹಾಲಾಡಿ ಶ್ರೀನಿವಾಸ್ ಶೆಟ್ಟಿಯವರು ಎಂದೂ ಮನೆ ಮನೆಗೆ ತೆರಳಿ ಮತ ಯಾಚಿಸಿದವರಲ್ಲ. ಆದರೂ ಅವರು ಗೆಲ್ಲುತ್ತಲೇ ಬಂದರು. ಅಂತಹ ಜನಪ್ರೀತಿ ಗಳಿಸಿದವರು ಹಾಲಾಡಿಯವರು.

ಕೃಪೆ:ಹೊಸದಿಗಂತ ,ಕನ್ನಡ ದಿನಪತ್ರಿಕೆ