ಕುಂದಾಪುರ : ನಗರದ ಮುಖ್ಯರಸ್ತೆಯಲ್ಲಿರುವ ಪಾಲಿಜಾತ ಹೋಟೆಲ್ ಎದುರುಗಡೆಯ ವಿಕ್ರಂ ಸ್ಕ್ಯಾನಿಂಗ್ ಸೆಂಟರ್ ಇದರ ಮೊದಲ ಮಹಡಿಯಲ್ಲಿ ಶ್ರೀ ಮಹಾಲಕ್ಷ್ಮಿ ಪ್ರಾಥಮಿಕ ಸೇವಾ ಸಹಕಾರ ಸಂಘ ನಿಯಮಿತ ಇದರ ಉದ್ಘಾಟನಾ ಸಮಾರಂಭವು ನಾಳೆ ಗುರುವಾರ ಬೆಳಿಗ್ಗೆ 11.00 ಗಂಟೆಗೆ ನೆರವೇರಲಿದೆ ನೂತನ ಸೊಸೈಟಿಯನ್ನು ಕುಂದಾಪುರದ ಶಾಸಕರಾದ ಎ.ಕಿರಣ್ ಕುಮಾರ್ ಕೊಡ್ಗಿಯವರು ಉದ್ಘಾಟಿಸಲಿದ್ದು ಸಭಾಧ್ಯಕ್ಷತೆಯನ್ನು ಮಹಾಲಕ್ಷ್ಮಿ ಪ್ರಾಥಮಿಕ ಸೇವಾ ಸಹಕಾರಿ ಸಂಘದ ಅಧ್ಯಕ್ಷರಾದ ಎಚ್ ಶಂಕರ್ ಶೇರುಗಾರ್ ರವರು ವಹಿಸಿಕೊಳ್ಳಲಿದ್ದಾರೆ
ಉಡುಪಿಯ ಜಿಲ್ಲಾ ಸಹಕಾರ ಯೂನಿಯನ್ ನಿಯಮಿತ ಇದರ ಅಧ್ಯಕ್ಷರಾದ ಸಹಕಾರ ರತ್ನ ಶ್ರೀ ಜಯಕರ ಶೆಟ್ಟಿ ಇಂದ್ರಾಳಿ ಇವರು ಗಣಕಯಂತ್ರವನ್ನು ಉದ್ಘಾಟಿಸಲಿದ್ದಾರೆ ಕುಂದಾಪುರ ಉಪ ವಿಭಾಗದ ಸಹಕಾರ ಸಂಘಗಳ ಸಹಾಯಕ ನಿಬಂಧಕರಾದ ಅರುಣ್ ಕುಮಾರ್ ಎಸ್ ವಿ ಅವರು ಭದ್ರತಾ ಕೋಶವನ್ನು ಉದ್ಘಾಟಿಸಲಿದ್ದು ವಿಕ್ರಮ್ ಸ್ಕ್ಯಾನಿಂಗ್ ಸೆಂಟರ್ನ ರಾಘವೇಂದ್ರ ಉಪಾಧ್ಯಾಯರವರು ಠೇವಣಿ ಪತ್ರ ವಿತರಣೆ ಮಾಡಲಿದ್ದಾರೆ ಬಿ ವೆಂಕಟೇಶ್‌ ಸೇರುಗಾರ್‌ ನಗದು ವಿಭಾಗವನ್ನು ಉದ್ಘಾಟಿಸಲಿದ್ದು ವಿಘ್ನೇಶ್ವರ ಪೋಲಿ ಪ್ರಾಡಕ್ಟ್ ಪಾಲುದಾರರಾದ ಕೆ ಪ್ರಕಾಶ್ ಬೆಟ್ಟಿನ್‌ ಸಾಲ ಡಿಡಿ ವಿತರಣೆ ಮಾಡಲಿದ್ದಾರೆ ಎಂದು ಮಹಾಲಕ್ಷ್ಮಿ ಪ್ರಾಥಮಿಕ ಸೇವಾ ಸಹಕಾರ ಸಂಘದ ಮುಖ್ಯ ಕಾರ್ಯನಿರ್ವಾಣಾಧಿಕಾರಿಗಳಾದ ಶ್ರೀ ನಾಗರಾಜ್‌ ನಾಯ್ಕ್‌ (ಪ್ರಭಾರ) ರವರು ತಿಳಿಸಿದ್ದಾರೆ
