ಮಹಿಳಾ ಭಜನಾ ತಂಡ ಉದ್ಘಾಟನೆ

ಕೋಟ : ಇಲ್ಲಿನ ಪಾಂಡೇಶ್ವರ ಶ್ರೀ ಬ್ರಹ್ಮಸ್ಥಾನ ಶ್ರೀ ಬಾಲಾಜಿ ಕಲಾ ಭಜನಾ ಮಂಡಳಿ ಮೂಡಹಡು ಇವರಿಂದ 15 ವರ್ಷ ಪೂರೈಸಿದ ಸವಿನೆನಪಿಗಾಗಿ ಭಜನಾ ತಂಡದಲ್ಲಿರುವ ಶೈಕ್ಷಣಿಕ ವಿದ್ಯಾಭ್ಯಾಸದಲ್ಲಿ ಎಪ್ಪತ್ತು ಶೇಕಡ ಅಧಿಕ ಅಂಕಗಳಿಸಿದ ಮಕ್ಕಳಿಗೆ ಬಹುಮಾನ ವಿತರಣೆ ಸಮಾರಂಭ ಮತ್ತು ಹೊಸ ಮಹಿಳಾ ಭಜನಾ ತಂಡ ಉದ್ಘಾಟನಾ ಕಾರ್ಯಕ್ರಮ ಭಾನುವಾರ ನೆರವೇರಿತು.
ಕಾರ್ಯಕ್ರಮವನ್ನು ಪಾಂಡೇಶ್ವರ ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಸುಶೀಲ ಸದಾನಂದ ಪೂಜಾರಿ ಉದ್ಘಾಟಿಸಿದರು.
ಪಾಂಡೇಶ್ವರ ಗ್ರಾಮ ಪಂಚಾಯತ್ ಸದಸ್ಯರಾದ ರವೀಶ್ ಶ್ರೀಯಾನ್ ,ಸುಜಾತ ವೆಂಕಟೇಶ್, ಮಹಿಳಾ ತಂಡದ ಅಧ್ಯಕ್ಷೆ ಮಮತಾ, ಬಾಲಾಜಿ ಕಲಾ ಭಜನಾ ಮಂಡಳಿ ಅಧ್ಯಕ್ಷ ವಿಜಯ್ ಆಚಾರ್ಯ, ಭಜನಾ ಮಂಡಳಿ ಸದಸ್ಯರಾದ ಆನಂದ್ ಆರ್ ಪಿ ವಿಜಿತ್ ಆಚಾರ್ ನಾಗೇಂದ್ರ ಸಾಗರ್,ಭಜನಾ ಮಂಡಳಿಯ ಮಕ್ಕಳು, ಪೆÇೀಷಕರು,ಸದಸ್ಯರು ಉಪಸ್ಥಿತರಿದ್ದರು. ತಂಡದ ನಾಗರತ್ನ ಸ್ವಾಗತಿಸಿ, ಕುಮಾರಿ ಪ್ರೇಕ್ಷ ವರದಿ ವಾಚಿಸಿ, ನಾಗೇಂದ್ರ ಧನ್ಯವಾದಗೈದರು, ಕಾರ್ಯಕ್ರಮವನ್ನು ಕೃಷ್ಣ ಬಂಗೇರ ನಿರೂಪಿಸಿದರು.