ಮತೀಯ ಮೀಸಲು ಜಾರಿಗೆ ಕೈ ಹುನ್ನಾರ

ಛತ್ತೀಸ್‌ಗಢ : ವೋಟ್ ಬ್ಯಾಂಕ್ ಹಸಿವೆಯಿಂದ ತತ್ತರಿಸುತ್ತಿರುವ ಕಾಂಗ್ರೆಸ್ ಮತೀಯ ಆಧಾರದಲ್ಲಿ ಮೀಸಲಾತಿ ಜಾರಿಗೊಳಿಸಲು ನಿರ್ಧರಿಸಿದೆ ಎಂದು ಪ್ರಧಾನಿ ಮೋದಿ ವಿಪಕ್ಷವನ್ನು ತೀವ್ರ ತರಾಟೆಗೆ ತೆಗೆದುಕೊಂಡಿದ್ದಾರೆ. ಅಲ್ಲದೆ. ದೇಶದಲ್ಲಿ ವಂಶಪಾರಂಪರ್ಯ ತೆರಿಗೆ ಜಾರಿಗೊಳಿಸಲು ಲೆಕ್ಕ ಹಾಕಿದೆ. ಈ ಮೂಲಕ ದೇಶವಾಸಿ ಜನರ, ಅವರ ಮಕ್ಕಳ ಸೊತ್ತು ಮತ್ತು ಹಕ್ಕುಗಳನ್ನು ದೋಚುವುದು ಕಾಂಗ್ರೇಸ್ಷಡ್ಯಂತ್ರವೆಂದು ಮೋದಿ ವಾಗ್ದಾಳಿ ನಡೆಸಿದರು.  ಕಾಂಗ್ರೆಸ್‌ನ ಪ್ರಣಾಳಿಕೆಯಲ್ಲಿನ ಅಂಶಗಳು ಈಗ ಪ್ರಧಾನಿ ಹೇಳಿಕೆಯನ್ನು ಪುಷ್ಟಿಕರಿಸಿದ ಬೆನ್ನಿಗೇ, ಹಿಂದುಳಿದ ವರ್ಗಗಳ ಮೀಸಲಾತಿಯನ್ನು ಕಡಿತಗೊಳಿಸುವ ಕಾಂಗ್ರೆಸ್ ನಿಲುವು ಭಾರಿ ಚರ್ಚೆಗೆ ಗ್ರಾಸವಾಗಿದೆ.