ಕುಂದಾಪುರ : ಜನವರಿ 26 ರಂದು ದೆಹಲಿಯಲ್ಲಿ ನಡೆಯಲಿರುವ ಗಣರಾಜ್ಯೋತ್ಸವ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಕುಂದಾಪುರ ನಗರದ ಬಹದ್ದೂರ್‌ ಶಾ ರಸ್ತೆಯ ನಿವಾಸಿ ಚಮ್ಮಾರ ಮಣಿಕಂಠನವರು ತನ್ನ ಪತ್ನಿಯೊಂದಿಗೆ ದೆಹಲಿಗೆ ತೆರಳಿದ್ದಾರೆ
ಮಣಿಕಂಠನವರು ಕುಂದಾಪುರದ ಶಾಸ್ತ್ರೀ ಸರ್ಕಲ್ ನಲ್ಲಿ ಚಪ್ಪಲಿ ಕೊಡೆ ರಿಪೇರಿ ಹಾಗೂ ಇನ್ನೀತರ ಬ್ಯಾಗ್‌ಗಳನ್ನು ಹೊಲಿಯುವ ಅಂಗಡಿಯನ್ನು ಹೊಂದಿದ್ದು ಪ್ರಧಾನಮಂತ್ರಿ ಸ್ವ-ನಿಧಿ ಯೋಜನೆಯ ಫಲಾನುಭವಿಯಾಗಿದ್ದಾರೆ
ಕುಂದಾಪುರದ ಸಿಂಡಿಕೇಟ್‌ ಬ್ಯಾಂಕ್ ನಲ್ಲಿ ಪ್ರಧಾನಮಂತ್ರಿ ಸ್ವ-ನಿಧಿ ಯೋಜನೆಯಡಿ 10,000 20,000 ಹಾಗೂ 50,000ದಂತೆ ಮೂರು ಭಾರಿ ಸಾಲ ಪಡೆದಿದ್ದು ಅದನ್ನು ಕ್ಲಪ್ತ ಸಮಯದಲ್ಲಿ ಮರು ಪಾವತಿ ಮಾಡಿದ್ದಾರೆ ಇವರು ಸಾಲವನ್ನು ಸದ್ವಿನಿಯೋಗ ಮಾಡಿದ್ದು ವೃತ್ತಿ ಬದ್ಧತೆ ಹಾಗೂ ಸೇವೆಗಳು ಮೆಚ್ಚುಗೆ ಗಳಿಸಿದ್ದು ಈ ಕಾರಣದಿಂದಾಗಿ ಪ್ರಧಾನಿ ಕಾರ್ಯಾಲಯದಿಂದ ಗಣರಾಜ್ಯೋತ್ಸವದಲ್ಲಿ ಭಾಗವಹಿಸಲು ಆಹ್ವಾನ ಬಂದಿತ್ತು
ಜೀವನದಲ್ಲಿ ಪ್ರಥಮ ಭಾರಿಗೆ ವಿಮಾನವೇರುವ ಅವಕಾಶ ಒದಗಿ ಬಂದಿದ್ದು ಹಾಗೂ ಚಪ್ಪಲಿ ರಿಪೇರಿ ಮಾಡುವ ವ್ಯಕ್ತಿಯನ್ನು ದೆಹಲಿಯಲ್ಲಿ ನಡೆಯುವ ಗಣರಾಜ್ಯೋತ್ಸವಕ್ಕೆ ಆಮಂತ್ರಿಸಿರುವುದು ಮಣಿಕಂಠನವರ ಸಂತೋಷವನ್ನು ಇಮ್ಮಡಿಗೊಳಿಸಿದೆ
ಕುಂದಾಪುರ ಪುರಸಭೆಯ ಮುಖ್ಯಾಧಿಕಾರಿ ಮಂಜುನಾಥ್‌ ಆರ್‌ ಹಾಗೂ ಸಿಬ್ಬಂದಿಯವರಾದ ಶರತ್‌ ಖಾರ್ವಿ ಗಣೇಶ್‌ ಮತ್ತು ಪರುಸಭಾ ಸದಸ್ಯರಾದ ಪ್ರಭಾಕರ್‌ ಹಾಗೂ ದೇವಕಿ ಸಣ್ಣಯ್ಯ ಮಣಿಕಂಠನವರ ಬಿಳ್ಕೋಡುಗೆ ಸಮಾರಂಭದಲ್ಲಿ ಭಾಗವಹಿಸಿದ್ದರು
ಈಗಾಗಲೇ ಕುಂದಾಪುರದ ಶಾಸಕರಾದ ಕಿರಣ್‌ ಕುಮಾರ್‌ ಕೊಡ್ಗಿಯವರು ಹಾಗೂ ಇತರ ಸಂಘ ಸಂಸ್ಥೆಗಳು ಮಣಿಕಂಠನನ್ನು ಸನ್ಮಾನಿಸಿದೆ ಮಣಿಕಂಠನವರು ತನ್ನ ಪತ್ನಿಯೊಂದಿಗೆ ಇಂದು ಮುಂಜಾನೆ 5.00 ಗಂಟೆಗೆ ಬೆಂಗಳೂರಿನಿಂದ ವಿಮಾನದ ಮೂಲಕ ತೆರಳಿದ್ದು ಬೆಳಿಗ್ಗೆ 8.30 ಕ್ಕೆ ದೆಹಲಿ ತಲುಪಿದ್ದಾರೆ
ಕೆ. ಗಣೇಶ್‌ ಹೆಗ್ಡೆ ,ಕುಂದಾಪುರ
