ರಾಮರಕ್ಷಾ ಸ್ತೋತ್ರ ಪಠಣ

ಕುಂದಾಪುರ : ಅಯೋಧ್ಯೆ ಶ್ರೀರಾಮ ಮಂದಿರ ಪ್ರಾಣ ಪ್ರತಿಷ್ಠಾಪನೆ ದಿನ ಸೀತಾರಾಮಚಂದ್ರ ದೇವಸ್ಥಾನದಲ್ಲಿ ರಾಮನಾಮ ಸಂಕೀರ್ತನೆ ರಾಮರಕ್ಷಾ ಸ್ತೋತ್ರ ಪಠಣ ರಾಮ ತಾರಕ ಮಂತ್ರ ಜಪ ಪಂಚಾಮೃತ ಅಭಿಷೇಕ ಶ್ರೀ ರಾಮ ತಾರಕ ಮಂತ್ರ ಹೋಮ ನವಕಲಶಾಭಿಷೇಕ ಮಹಾಪೂಜೆ ನಿರಂತರ ಭಜನೆ ರಂಗ ಪೂಜೆ ಅನ್ನ ಸಂತರ್ಪಣೆ ದೀಪ ಪ್ರಜ್ವಲನ ಕಾರ್ಯಕ್ರಮವನ್ನು ನಡೆಸಲಾಯಿತು. ಪೂಜಾ ವಿಧಿ ವಿಧಾನಗಳಲ್ಲಿ ರಾಮ ಕ್ಷತ್ರಿಯ ಸಂಘದ ಅಧ್ಯಕ್ಷ ಡಿಕೆ ಪ್ರಭಾಕರ್ ಪತ್ನಿ ಲಕ್ಷ್ಮೀ ಡಿಕೆ ಪ್ರಭಾಕರ್ ಮತ್ತು ಸದಸ್ಯರು ಪಾಲ್ಗೊಂಡರು. ಆಡಳಿತ ಮಂಡಳಿ ಯುವಕ ಮಂಡಳಿ ಮತ್ತು ಮಹಿಳಾ ಮಂಡಳಿಯ ಸದಸ್ಯರು ಆಗಮಿಸಿದ ಸಾವಿರಾರು ಭಕ್ತಾದಿಗಳಿಗೆ ಪ್ರಸಾದ ವಿತರಣೆಯಲ್ಲಿ ನೆರವಾದರು. ಕಾರ್ಯದರ್ಶಿ ಶಂಕರ್ ಹಾಡಿಮನೆ ಮತ್ತು ಕೋಶಾಧಿಕಾರಿ ಸರೋಜಾ ವಿಷ್ಣುಮೂರ್ತಿ ಕಾರ್ಯಕ್ರಮ ನಿರೂಪಿಸಿದರು