ರಿಕ್ಷಾ ಕಾರು ಡಿಕ್ಕಿ ಯುವತಿ ಸಾವು

ಕುಂದಾಪುರ : ಕುಂದಾಪುರ ಮತ್ತು ತೀರ್ಥಹಳ್ಳಿ ರಾಜ್ಯ ಹೆದ್ದಾರಿಯ ಮೂಡ್ಲಕಟ್ಟೆ ಸಮೀಪದಲ್ಲಿ ಕಾರೊಂದು ಆಟೋರಿಕ್ಷಕ್ಕೆ ಡಿಕ್ಕಿ ಹೊಡೆದ ಪರಿಣಾಮ ರಿಕ್ಷಾದಲ್ಲಿ ಪ್ರಯಾಣಿಸುತ್ತಿದ್ದ ಅಂಬಿಕಾ (22 ವರ್ಷ) ಎಂಬವರು ಸಾವನ್ನಪ್ಪಿದ್ದಾರೆ ಸಹ ಪ್ರಯಾಣಿಕ ಹಾಗೂ ರಿಕ್ಷಾ ಚಾಲಕ ಗಾಯಗೊಂಡು ಆಸ್ಪತ್ರೆ ದಾಖಲಾಗಿದ್ದಾರೆ

ಅಂಪಾರು ನಿವಾಸಿಯಾದ ಅಂಬಿಕ ಎಂಬವರು ಕುಂದಾಪುರಕ್ಕೆ ಬಂದು ವಾಪಾಸ್ಸಾಗುವ ವೇಳೆ ಬೇರೊಂದು ವಾಹನವನ್ನು ಓವರ್‌ ಟೇಕ್‌ ಮಾಡುವ ಭರದಲ್ಲಿ ಕಾರು ರಿಕ್ಷಾಕ್ಕೆ ಎದುರಿನಿಂದ ಬಂದು ಢಿಕ್ಕಿ ಹೊಡೆದಿದೆ ಕುಂದಾಪುರ ಸಂಚಾರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ಕಾರು ಚಾಲಕ ವಸಂತ ಎಂಬವರ ವಿರುದ್ದ ದೂರು ದಾಖಲಾಗಿದೆ