ಸೈಕಲ್‌ಗೆ ಕಾರು ಢಿಕ್ಕಿ

ಕುಂದಾಪುರ : ಕೋಣಿ ಗ್ರಾಮದ ಹುಣ್ಸೆಕಟ್ಟೆ ಬ್ರಿಡ್ಜ್ ಬಳಿ ರಾಜ್ಯ ಹೆದ್ದಾರಿ 52ರಲ್ಲಿ ಕಾರೊಂದು ಬ್ಯಾಟರಿ ಸೈಕಲ್ ಗೆ ಢಿಕ್ಕಿ ಹೊಡೆದ ಪರಿಣಾಮ ಸೈಕಲ್ ಸವಾರ ಅನಗಳ್ಳಿ ಗ್ರಾಮದ ನಿವಾಸಿ ಫೇಡ್ರೀಕ್ ಡಿ ಸೋಜ(62ವರ್ಷ) ಎಂಬವರು ತೀವ್ರವಾಗಿ ಗಾಯಗೊಂಡು ನಗರದ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ

ಅನಂತ್‌ ಎಂಬವರು ಚಲಿಸುತ್ತಿದ್ದ ಕಾರು ಹುಣ್ಸೆಕಟ್ಟೆ ಬ್ರಿಡ್ಜ್  ಸಮೀಪ ಎದುರುಗಡೆಯ ಬಸ್ಸನ್ನು ಓವರ್‌ ಟೇಕ್‌ ಮಾಡುವ ರಭಸದಲ್ಲಿ ತೀರಾ ಬಲಬದಿಗೆ ಚಲಿಸಿದ್ದರಿಂದ ಸೈಕಲ್‌ ಸವಾರ ಫೇಡ್ರೀಕ್ ಡಿ ಸೋಜರಿಗೆ ಢಿಕ್ಕಿ ಹೊಡೆದಿದ್ದು ಅವರ ಅವರ ಬಲ ಮೊಣಕಾಲು ಗಂಟು,ಬಲ ಮುಂಗೈ,ಹಣೆಯ ಬಲ ಭಾಗಕ್ಕೆ,ಕಣ್ಣಿನ ಬಲ ಭಾಗಕ್ಕೆ ತರಚಿದ ಗಾಯ ಹಾಗೂ ಮೂಗಿಗೆ ಗುದ್ದಿದ ಗಾಯವಾಗಿದೆ  ಚಿಕಿತ್ಸೆಗಾಗಿ ಅವರನ್ನು ಕುಂದಾಪುರ ಚಿನ್ಮಯ ಆಸ್ಪತ್ರೆಯಲ್ಲಿ ದಾಖಲಿಸಲಾಗಿದೆ ಕುಂದಾಪುರ ನಗರದ ಸಂಚಾರಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ