ಅಡ್ಡ ಬಂದ ಜಿಂಕೆ ಬೈಕ್ ಸವಾರ ಗಂಭೀರ
ಕುಂದಾಪುರ: ಇಲ್ಲಿಗೆ ಸಮೀಪದ ತೆಕ್ಕಟ್ಟೆಯ ನ್ಯೂಜಿ ರಬ್ಬರ್ ಪ್ಲಾಂಟೇಶನ್ ಸಮೀಪ ಚಲಿಸುತ್ತಿದ್ದ ಬೈಕ್‌ಗೆ ಜಿಂಕೆಯೊಂದು ಅಡ್ಡ ಬಂದ ಪರಿಣಾಮ ಬೈಕ್ ಸವಾರ ಗಂಭೀರವಾಗಿ ಗಾಯಗೊಂಡ ಘಟನೆ ನಡೆದಿದೆ ಜಯಕರ ಕುಲಾಲ್ ಎಂಬವರು ಎಂದಿನಂತೆ ಕೊರ್ಗಿಯಿಂದ ಗಾರೆ ಕೆಲಸ ಮುಗಿಸಿ ಬೇಳೂರು ಕಡೆಗೆ ಬೈಕ್ ನಲ್ಲಿ ಸಾಗುತ್ತಿದ್ದ ಸಂದರ್ಭದಲ್ಲಿ ನ್ಯೂಜಿ ರಬ್ಬರ್ ಪ್ಲಾಂಟೇಶನ್ ಸಮೀಪ ಜಿಂಕೆ ಏಕಾಏಕಿ ಬೈಕಿ ಅಡ್ಡವಾಗಿ ಓಡಿ ಬಂದ ಪರಿಣಾಮ ನಿಯಂತ್ರಣ ತಪ್ಪಿ ಬೈಕ್ ಸಮೇತ ರಸ್ತೆಗೆ ಬಿದ್ದು ಅವರ ಮುಖ ಮತ್ತು ಕೈಕಾಲುಗಳಿಗೆ ಗಂಭೀರವಾಗಿವೆ ಅವರನ್ನು ಕೊಟೇಶ್ವರದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ
ಅಪಘಾತ ಮಹಿಳೆ ಸಾವು
ಕುಂದಾಪುರ : ಸಮೀಪದ ಬೀಜಾಡಿ ರಾಷ್ಟ್ರೀಯ ಹೆದ್ದಾರಿ 66 ರ ಉಪಾಧ್ಯಾಯ ಕಾಂಪ್ಲೆಕ್ಸ್ ಎದುರಿನ ಸರ್ವಿಸ್ ರಸ್ತೆಯಲ್ಲಿ ನಿಂತಿದ್ದು ಈ ಸಂದರ್ಭದಲ್ಲಿ ಪಿಕಪ್ ವಾಹನ ಡಿಕ್ಕಿ ಹೊಡೆದು ಅವರು ಮೃತಪಟ್ಟಿದ್ದಾರೆ ಮೃತಪಟ್ಟವರನ್ನುಗೋಪಾಡಿ ನಿವಾಸಿ ಬಾಬು ಆಚಾರ್ ಅವರ ಪತ್ನಿ ಕಮಲ ಆಚಾರ್ 82 ವರ್ಷ ಎಂದು ಗುರುತಿಸಲಾಗಿದೆ ಸ್ಥಳಕ್ಕೆ ಕುಂದಾಪುರ ಸಂಚಾರಿ ಠಾಣೆ ಪಿಎಸ್ಐ ಸುಬ್ಬಣ್ಣ ಮತ್ತು ಸಿಬ್ಬಂದಿಯವರು ಭೇಟಿ ನೀಡಿದ್ದಾರೆ ಪ್ರಕರಣ ದಾಖಲಾಗಿದೆ
