ಬಸ್‌ಗೆ ಬೈಕ್ ಡಿಕ್ಕಿ
ಕುಂದಾಪುರ: ನಾವುಂದ ಗ್ರಾಮದ ಕೋಯಾನಗರ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಸರಕಾರಿ ಬಸ್ ಯಾವುದೇ ಸೂಚನೆ ನೀಡದೆ, ಸಿಗ್ನಲ್ ಹಾಕದೆ ಒಮ್ಮೆಲೆ ನಿಲ್ಲಿಸಿದ ಪರಿಣಾಮ ಹಿಂದಿನಿಂದ ಬರುತ್ತಿದ್ದ ಬೈಕ್ ಹತೋಟಿ ತಪ್ಪಿ ಡಿಕ್ಕಿ ಹೊಡೆದ ಪರಿಣಾಮ ಸವಾರ ರಾಜು ಗಂಭೀರವಾಗಿ ಗಾಯಗೊಂಡಿದ್ದಾರೆ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ
ಮಳಿ ಹೆಕ್ಕಲು ಹೋದ ವ್ಯಕ್ತಿ ಸಾವು
ಕುಂದಾಪುರ: ಮರುವಾಯಿ ಹೆಕ್ಕಲು ಐರೋಡಿ ಗ್ರಾಮದ ಸೀತಾನದಿಗೆ ಹೋಗಿದ್ದ ಗುಂಡ್ಮಿ ಗ್ರಾಮದ ನಿವಾಸಿ ರಾಜು ಮೊಗವೀರ (60ವರ್ಷ) ಮೃತಪಟ್ಟಿದ್ದಾರೆ. ಾವರು ಎಂದಿನಂತೆ ಮರುವಾಯಿ ಹೆಕ್ಕಲು ಹೋಗಿದ್ದ ನಾಪತ್ತೆಯಾಗಿದ್ದರು. ಶನಿವಾರ ಮೀನುಗಾರರು ಕೋಡಿ ಸೀತಾನದಿಯ ದಿಬ್ಬದಲ್ಲಿ ಅವರ ಮೃತದೇಹ ಗುರುತಿಸಿದ್ದಾರೆ. ಮರುವಾಯಿ ಹೆಕ್ಕಲು ಹೋದ ವೇಳೆ ನದಿ ಉಬ್ಬರಕ್ಕೆ ಕೊಚ್ಚಿ ಹೋಗಿ ಮೃತಪಟ್ಟಿರ ಬಹುದೆಂದು ಕೋಟ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ
ನೇಣುಬಿಗಿದು ಆತ್ಮಹತ್ಯೆ:
ಹಂಗಳೂರು ಗ್ರಾಮದ ಕೋಡಿ ರಸ್ತೆಯಲ್ಲಿ ಬಾಡಿಗೆ ಮನೆಯಲ್ಲಿ ನೆಲೆಸಿದ್ದ ಕೂಲಿ ಕಾರ್ಮಿಕ ಬಸವರಾಜ್ ಎಂಬವರು ಶುಕ್ರವಾರ ರಾತ್ರಿ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಕುಂದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ದನದಮಾಂಸ ಸಾಗಾಟ: ಪ್ರಕರಣ ದಾಖಲು
ಕುಂದಾಪುರ: ಸ್ಕೂಟರ್‌ನಲ್ಲಿ ದನದಮಾಂಸ ಸಾಗಾಟ ಮಾಡುತ್ತಿದ್ದವರನ್ನು ಗಂಗೊಳ್ಳಿ ಪಿಎಸ್‌ಐ ಹರೀಶ್ ಪತ್ತೆ ಹಚ್ಚಿದ್ದಾರೆ.ಗುಜ್ಜಾಡಿ ಗ್ರಾಮದ ನಾಯಕವಾಡಿ ಜಟ್ಟಪ್ಪ ಸರ್ಕಲ್ ಬಳಿ ವಾಹನ ತಪಾಸಣೆ ನಡೆಸುತ್ತಿದ್ದ ವೇಳೆ ಮುಳ್ಳಿಕಟ್ಟೆಯಿಂದ ಗಂಗೊಳ್ಳಿಗೆ ಸಾಗುತ್ತಿದ್ದ ಸ್ಕೂಟರ್ ನಿಲ್ಲಿಸುವಂತೆ ಸೂಚಿಸಿದಾಗ ನಿಲ್ಲಿಸದೆ ಪರಾರಿಯಾಗಿತ್ತು.ಸಿಬ್ಬಂದಿ ಬೆನ್ನಟ್ಟಿ ಸ್ಕೂಟರ್‌ನ್ನು ನಿಲ್ಲಿಸಿ ಪರಿಶೀಲಿಸಿದಾಗ ಸೀಟಿನ ಕೆಳಭಾಗದಲ್ಲಿ 5.800 ಕೆಜಿ ದನದ ಮಾಂಸ ಪ್ಲಾಸ್ಟಿಕ್ ಚೀಲದಲ್ಲಿ ಇರಿಸಿದ್ದು ಕಂಡುಬಂದಿದೆ. ಯಾವುದೇ ಪರವಾನಿಗೆ ಹೊಂದಿರದೆ ದನದ ಮಾಂಸ ಸಾಗಾಟ ಮಾಡಿದ ಆರೋಪದಡಿ ಸ್ಕೂಟರ್ ಸವಾರ ಅಶ್ವಾಕ್ ಸುದೇದಾರ್ ಗಂಗೊಳ್ಳಿ ಎಂಬಾತನನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ. ಗಂಗೊಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
