ಉಡುಪಿ : ಕೆಲವು ಸಮಯದಿಂದ ತಟಸ್ಥವಾಗಿದ್ದ ಕಾಪುವಿನ ಹೆದ್ದಾರಿಯಲ್ಲಿ ಮಧ್ಯ ರಾತ್ರಿ ಗ್ಯಾಂಗ್ ವಾರ್ ನಡೆಸಿ ಮತ್ತೆ ಸಕ್ರಿಯವಾಗಿರುವುದನ್ನು ತೋರಿಸಿದೆ. ರಾಜ್ಯಾದ್ಯಂತ ಹತ್ತಾರು ದರೋಡೆ, ಹಲ್ಲೆ ಇತ್ಯಾದಿ ಅಪರಾಧ ಕೃತ್ಯಗಳನ್ನು ನಡೆಸಿರುವ ಈ ಗ್ಯಾಂಗ್ ಇದೀಗ ಇಬ್ಬಾಗವಾಗಿದ್ದು ಕಾಪು ಪರಸರದ ರಸ್ತೆಯಲ್ಲಿ ತಲುವಾರು ಬೀಸಿ” ಹೊಡೆದಾಡಿಕೊಂಡಿದೆ.
ಮೇ 18ರಂದು ಈ ಘಟನೆ ನಡೆದಿದ್ದು, 20ರಂದು ಪ್ರಕರಣ ದಾಖಲಾಗಿತ್ತು. ಈ ಗ್ಯಾಂಗ್ ವಾರನ್ನು ಯಾರೋ ವಿಡಿಯೋ ಚಿತ್ರಿಕರಣ ಮಾಡಿದ್ದು, ಇದೀಗ ವೈರಲ್ ಆಗಿದೆ. ಈ ಹಿನ್ನೆಲೆಯಲ್ಲಿ ಪೊಲೀಸರು ಆಶಿಕ್, ರಾಕೀಟ್ ಮತ್ತು ಸಕ್ಷೇನ್ ಎಂಬವರನ್ನು ಬಂಧಿಸಿದ್ದಾರೆ.
ಮೇ 20ರಂದು ಯುವಕರ ತಂಡವೊಂದು ಟೆಸ್ಟ್’ ಡ್ರೈವ್ ಕಾರಿನಲ್ಲಿ ಬಂದು ತಲವಾರು ತೋರಿಸಿ ದರೋಡೆಗೆ ಯತ್ನಿಸಿದರು ಎಂದು ಉಡುಪಿ ನಗರ ಠಾಣೆಯಲ್ಲಿ ದೂರು ದಾಖಲಾಗಿತ್ತು. ಈ ಹಿನ್ನೆಲೆಯಲ್ಲಿ ಪೊಲೀಸರು ರಾಕಿಬ್ ಮತ್ತು ಆಶೀಕ್ ಎಂಬವರನ್ನು ಬಂಧಿಸಿತ್ತು.
ಇದೀಗ ವಿಡಿಯೋ ವೈರಲ್ ಆದ ಮೇಲೆ ಇದು ದರೋಡೆ ಅಲ್ಲ, ಗ್ಯಾಂಗ್ ವಾರ್‌ಎಂದು ಬಹಿರಂಗವಾಗಿದೆ. ಹಿಂದೆ ಒಂದಾಗಿ ಅಪರಾಧಿ ಕೃತ್ಯಗಳನ್ನು ನಡೆಸುತ್ತಿದ್ದ ಈ ತಂಡ, ಸೆಕೆಂಡ್ ಹ್ಯಾಂಡ್ ಕಾರ್‌ವ್ಯಾಪಾರದಲ್ಲಿ ಮಜೀದ್ ಮತ್ತು ಆಶೀಶ್ ನಡುವೆ ವೈಮನಸ್ಸಿನಿಂದ ಇಬ್ಬಾಗವಾಗಿದೆ.
ಮೊನ್ನೆ ಎರಡೂ ತಂಡಗಳು ಸಂಧಾನಕ್ಕಾಗಿ ಕಾರಿನಲ್ಲಿ ಉಡುಪಿಗೆ ಬಂದಿದ್ದು, ಈ ಸಂದರ್ಭದಲ್ಲಿ ರಸ್ತೆಯಲ್ಲಿ ಪರಸ್ಪರ ಕಾರುಗಳನ್ನು ಡಿಕ್ಕಿ ಹೊಡೆಸಿ, ನಂತರ ಹೊಡೆದಾಡಿಕೊಂಡಿದ್ದಾರೆ
