121
ಶಬರಿಮಲೆ : ಶಬರಿಮಲೆ ಸನ್ನಿಧಾನದಲ್ಲಿ ಅನುಮಾನಾಸ್ಪದವಾಗಿ ತಿರುಗಾಡುತ್ತಾ ಕಳವಿಗೆ ಹೊಂಚು ಹಾಕುತ್ತಿದ್ದ ತಮಿಳುನಾಡು ತಿರುಚ್ಚಿ ಗ್ರಾಮದ ಇಬ್ಬರು ಕಳ್ಳರನ್ನು ಪೊಲೀಸರು ಬಂಧಿಸಿದ್ದಾರೆ ಬಂಧಿತ ಕಳ್ಳರನ್ನು ಕರುಪ್‌ ಸ್ವಾಮಿ ಮತ್ತು ವಸಂತ್‌ ಎಂದು ಗುರುತಿಸಲಾಗಿದೆ
ಈ ಹಿಂದೆ ಕಳವು ಪ್ರಕರಣಗಳಲ್ಲಿ ಭಾಗಿಯಾದವರು, ಕಳ್ಳತನ ಮಾಡಲು ಬರುವವರ ಡೇಟಾಬೇಸ್ ಪೊಲೀಸರ ಬಳಿ ಇದೆ. ಬಂಧಿತರಿಬ್ಬರು ಸನ್ನಿಧಾನದಲ್ಲಿ ಅನುಮಾನಾಸ್ಪದವಾಗಿ ಕಂಡುಬಂದ ಹಿನ್ನೆಲೆಯಲ್ಲಿ ಬಂಧಿಸಲಾಗಿದೆ ಎಂದು ಸನ್ನಿಧಾನದ ಪೊಲೀಸರು ತಿಳಿಸಿದ್ದಾರೆ
ಕೆಲಸಕ್ಕಾಗಿ ಬಂದಿರುವುದಾಗಿ ಇವರಿಬ್ಬರು ವಿಚಾರಣೆ ವೇಳೆ ಹೇಳಿಕೆ ನೀಡಿದ್ದರು. ಆದರೆ ಅದನ್ನು ಸಾಬೀತುಪಡಿಸುವ ಯಾವುದೇ ಪುರಾವೆ, ಕೆಲಸಕ್ಕೆ ಸಂಬಂಧಿಸಿದ ದಾಖಲೆಗಳಿಲ್ಲದ ಕಾರಣ ಶಬರಿಮಲೆಯಿಂದ ಹಿಂತಿರುಗುವಂತೆ ಕೇಳಿಕೊಂ ಡಿದ್ದರೂ ಕಾಡಿನಲ್ಲಿ ಅಡಗಿಕೊಂಡು ಕಳ್ಳತನಕ್ಕೆ ಯತ್ನಿಸಿದಾಗ ಬಂಧಿಸಲಾಗಿದೆ. ಇವರಿಬ್ಬರ ವಿರುದ್ಧ ಹಲವು ಪ್ರಕರಣಗಳು ದಾಖಲಾಗಿವೆ ಎಂದು ಪೊಲೀಸರು ತಿಳಿಸಿದ್ದಾರೆ.
