ಕುಂದಾಪುರ : ಸ್ಥಳೀಯ ಶ್ರೀರಾಮ ನಗರದಲ್ಲಿರುವ ಶ್ರೀರಾಮ ವಿದ್ಯಾಕೇಂದ್ರದಲ್ಲಿ ಶಿಕ್ಷಕರು ಮತ್ತು ಪೋಷಕರ ಸಭೆ ಜರುಗಿತು ಶ್ರೀರಾಮ ವಿದ್ಯಾಕೇಂದ್ರದ ಆಡಳಿತ ನಿರ್ಧೇಶಕರಾದ ಕೋಡಿ ನಾಗೇಶ್‌ ಕಾಮತ್‌ ರವರು ಪಾಲಕರನ್ನು ಉದ್ದೇಶಿಸಿ ಮಾತನಾಡಿ ಶಿಕ್ಷಣ ಸಂಸ್ಥೆಯ ಯಶಸ್ಸಿಗೆ ಎಲ್ಲಾ ಸಂದರ್ಭಗಳಲ್ಲಿಯೂ ಪಾಲಕರ ಪಾತ್ರ ಅನಿವಾರ್ಯವಾಗಿದೆ ಮಕ್ಕಳ ಸಂಸ್ಕಾರಯುತ ಹಾಗೂ ಸೃಜನಶೀಲ ಬೆಳವಣಿಗೆಗೆ ಪೋಷಕರ ಸಕರಾತ್ಮಕ ಸಹಕಾರ ಅತೀ ಅಗತ್ಯವಾಗಿದ್ದು ವಿದ್ಯಾರ್ಥಿಗಳ ಅಧ್ಯಯನದಲ್ಲಿ ಅವರ ಶ್ರಧ್ದೆ ಮತ್ತು ನಡವಳಿಕೆಗಳನ್ನು ಪೋಷಕರು ಸದಾ ಗಮನಿಸುತ್ತಿರಬೇಕೆಂದು ಅವರು ನುಡಿದರು
ಸಭೆಯಲ್ಲಿ ಉಪಸ್ಥಿತರಿದ್ದ ಶಾಲಾ ಪ್ರಾಂಶುಪಾಲರಾದ ಜೀತೇಂದ್ರರವರು ಮಾತನಾಡಿ ಪೋಷಕರು ತಮ್ಮ ಮಕ್ಕಳ ಶೈಕ್ಷಣಿಕ ಪ್ರಗತಿಯನ್ನು ಖಚಿತಪಡಿಸಿಕೊಂಡು ಶಿಕ್ಷಣದ ವಿಷಯಗಳಿಗೆ ಸಂಬಂಧಿಸಿದಂತೆ ಶಾಲೆಗೆ ಬಂದು ಮಾತುಕತೆ ನಡೆಸಬೇಕೆಂದು ತಿಳಿಸಿ ಶಾಲಾ ವಾರ್ಷೀಕೋತ್ಸವದ ಕುರಿತು ಪೋಷಕರಿಂದ ಸಲಹೆಗಳನ್ನು ಪಡೆದರು
ಶಿಕ್ಷಕಿ ನಾಗರತ್ನ ನಿರೂಪಿಸಿದ ಕಾರ್ಯಕ್ರಮದಲ್ಲಿ ಶಿಕ್ಷಕಿ ಚೇತನಾ ಸ್ವಾಗತಿಸಿ ಸಹ ಶಿಕ್ಷಕಿ ರಶ್ಮೀ ಧನ್ಯವಾದವಿತ್ತರು
