ವಾರಾಣಸಿಯಲ್ಲಿ ಭರ್ಜರಿ ರೋಡ್‌ ಶೋ

ವಾರಾಣಸಿ : ವಾರಾಣಸಿಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಸೋಮವಾರ ಸಂಜೆ 6.00 ಕಿ.ಮೀ. ಶೋ ನಡೆಸಿದರು. ಅವರಿಗೆ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಸಾಥ್ ನೀಡಿದರು. ಇಂದು ಮಂಗಳವಾರ ಅವರು ವಾರಾಣಸಿ ಲೋಕಸಭೆ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿಯಾಗಿ ನಾಮಪತ್ರ ಸಲ್ಲಿಸಲಿದ್ದು, ಅದಕ್ಕಿಂತ 1 ದಿನ ಮುಂಚಿತವಾಗಿ ರೋಡ್ ಶೋ ಕೈಗೊಂಡು ಗಮನ ಸೆಳೆದರು

ರೋಡ್ ಶೋ ಆರಂಭಿಸುವ ಮುನ್ನ ಇಲ್ಲಿನ ಲಂಕಾ ಪ್ರದೇಶದ ಮಾಳವೀಯ ಚೌರಾಹಾದಲ್ಲಿ ಕೇಸರಿ ಅಂಗಿ ಹಾಗೂ ಬಿಳಿ ಜಾಕೆಟ್ ಧರಿಸಿದ್ದ ಮೋದಿ ಅವರು ಮದನ್ ಮೋಹನ್ ಮಾಳವೀಯ ಅವರ ಪ್ರತಿಮೆಗೆ ಮಾಲಾ’ರ್ಪಣೆ ಮಾಡಿದರು. ನಂತರ ಸಂತ ಕಾಶಿ ವಿಶ್ವನಾಥ ಮಂದಿರದವರೆಗೆ ರೋಡ್ ಶೋ ನಡೆಸಿದರು. ಅವರಿಗೆ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಸಾಥ್ ನೀಡಿದರು. ಶೋ ಉದ್ದಕ್ಕೂ 5,000 ಕೇಸರಿಧಾರಿ ಮಹಿಳೆಯರು ಗಮನ ಸೆಳೆದರು. ಮುಸ್ಲಿಮರೂ ಪುಷ್ಪವೃಷ್ಟಿ ಮಾಡಿದ್ದು ವಿಶೇಷ.