ಹಲವು ಮಕ್ಕಳ ತಾಯಿ ಅಮೃತೇಶ್ವರಿ ದೇಗುಲದ ವಾರ್ಷಿಕ ಜಾತ್ರೋತ್ಸವ

ಕೋಟ : ಕೋಟದ ಪುರಾಣ ಪ್ರಸಿದ್ಧ ಹಲವು ಮಕ್ಕಳ ತಾಯಿ ಅಮೃತೇಶ್ವರಿ ದೇಗುಲದ ವಾರ್ಷಿಕ ಜಾತ್ರೋತ್ಸವದ ಅಂಗವಾಗಿ ಶನಿವಾರ ಪೂರ್ವಾಹ್ನ ಢಕ್ಕೆಬಲಿ,ದರ್ಶನ ಸೇವೆ,ತುಲಾಭಾರ ಸೇವಾ ಕಾರ್ಯಕ್ರಮಗಳು ಜರಗಿದವು
ದೇಗುಲದ ದೇವಿ ದರ್ಶನ ಪಾತ್ರಿ ಸುರೇಶ್ ಜೋಗಿ ಮಾರಿಕಾಂಬೆ ಪಾತ್ರಿ ಉದಯ್ ಜೋಗಿ ದೇಗುಲದ ಮೂಲಕ ರಾಷ್ಟ್ರೀಯ ಹೆದ್ದಾರಿ ಅಮೃತೇಶ್ವರಿ ಸರ್ಕಲ್ ಬಳಿ ಆಗಮಿಸಿ ಧಾರ್ಮಿಕ ದರ್ಶನ ನೆರವೆರಿಸಿ ಪ್ರಸಾದ ವಿತರಿಸಿದರು.
ದೇಗುಲದ ಧಾರ್ಮಿಕ ವಿಧಿವಿಧಾನಗಳನ್ನು ವೇ.ಮೂ ಮಧುಸೂದನ್ ಬಾಯರಿ,ಸುಬ್ರಹ್ಮಣ್ಯ ಅಡಿಗ ನೆರವೆರಿಸಿದರು.ಸುಮಾರು 300ಕ್ಕೂ ಅಧಿಕ ಮಂದಿ ತುಲಾಭಾರ ಸೇವೆಯ ಹರಕೆ ಸಮರ್ಪಿಸಿದರು.ಅನ್ನಸಂತರ್ಪಣೆಯಲ್ಲಿ ಸಾವಿರಾರು ಭಕ್ತಾಧಿಗಳು ಭಾಗಿಯಾದರು.
ದೇಗುಲದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಆನಂದ್ ಸಿ ಕುಂದರ್,ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಪ್ರಶಾಂತ್ ಕುಮಾರ್ ಶೆಟ್ಟಿ,ಸದಸ್ಯರಾದ ಸುಭಾಷ್ ಶೆಟ್ಟಿ,ಗಣೇಶ್ ನೆಲ್ಲಿಬೆಟ್ಟು, ಸುಧಾ ಎ ಪೂಜಾರಿ,ಜ್ಯೋತಿ ದೇವದಾಸ ಕಾಂಚನ್,ರತನ್ ಐತಾಳ್,ಶಿವ ಪೂಜಾರಿ,ಚಂದ್ರ ಆಚಾರ್,ಸುಬ್ರಾಯ ಜೋಗಿ,ಅರ್ಚಕರಾದ ದಿಕ್ಷೀತ್ ಜೋಗಿ ಮತ್ತಿತರರು ಇದ್ದರು