ಸ್ವರ್ಣ ಪಲ್ಲಕ್ಕಿ ಸಮರ್ಪಣೆ
ಕುಂದಾಪುರ: ನಗರದ ಪೇಟೆ ಶ್ರೀ ವೆಂಕಟರಮಣ ದೇವಸ್ಥಾನದಲ್ಲಿ ಶ್ರೀ ಸಂಸ್ಥಾನ ಕಾಶೀ ಮಠಾಧೀಶರಾದ ಶ್ರೀಮದ್‌ ಸಂಯಮೀಂದ್ರ ತೀರ್ಥ ಸ್ವಾಮೀಜಿಯವರು ಸ್ವರ್ಣ ಪಲ್ಲಕ್ಕಿಗೆ ತೀರ್ಥ ಸಂಪ್ರೋಕ್ಷಣೆಯನ್ನು ಮಾಡಿ ಶ್ರೀದೇವರನ್ನು ಪಲ್ಲಕ್ಕಿಯೊಳಗೆ ಕುಳ್ಳರಿಸಿ ಒಳಗಿನ ಹಾಗೂ ಹೊರಗಿನ ಪ್ರಾಕಾರಕ್ಕೆ ಸುತ್ತು ಬರುವ ಮೂಲಕ ಸ್ವರ್ಣಪಲ್ಲಕ್ಕಿಯ ಸಮರ್ಪಣಾ ಕಾರ್ಯಕ್ರಮವನ್ನು ನೆರವೇರಿಸಿದರು ಸಮರ್ಪಣಾ ಕಾರ್ಯಕ್ರಮದ ನಂತರ ಸ್ವಾಮೀಜಿಯವರು ಭಕ್ತರಿಗೆ ಆಶೀರ್ವಚನ ನೀಡಿದರು
ಸ್ವರ್ಣ ಪಲ್ಲಕ್ಕಿಯ 10.5 ಕೆ ಜಿ ಚಿನ್ನದೊಂದಿಗೆ ಆಕರ್ಷಕವಾದ ಕುಸುರಿ ಕೆಲಸವನ್ನು ಹೊಂದಿದ್ದು ಉಡುಪಿಯ ಆಭರಣ ಜುವೆಲ್ಲರ್ಸ್‌ ತಯಾರಿಕಾ ಘಟಕದಲ್ಲಿ ನಿರ್ಮಿಸಲಾಗಿದೆ
ಸಮರ್ಪಣಾ ಸಮಾರಂಭದಲ್ಲಿ ಆಡಳಿತ ಮೊಕ್ತೇಸರರಾದ ಕೆ ರಾಧಾಕೃಷ್ಣ ಶೆಣೈ ಸ್ವಾಗತಿಸಿದರು ವೇದಿಕೆಯಲ್ಲಿ ಉದ್ಯಮಿ ಪಿ ದಯಾನಂದ ಪೈ ಆಭರಣ ಸಂಸ್ಥೆಯ ಸುಭಾಶ್ ಕಾಮತ್‌ ಸಹ ಮೊಕ್ತೇಸರರಾದ ಎಚ್‌ ಜನಾರ್ಧನ ಹಾಗೂ ಪಿ ತಿವಿಕ್ರಮ ಪೈ ಉಪಸ್ಥಿತರಿದ್ದರು ಸಂಜೆ ವೈಭವ ಶೋಭಾಯತ್ರೆ ನಡೆಯಿತು ಇಂದು ಸಂಜೆ 6.30 ರಿಂದ ಸಾರ್ವಜನಿಕ ಅನ್ನಸಂತರ್ಪಣೆ ನಡೆಯಲಿದೆ
