ಉಡುಪಿ: ಶ್ರೀ ಕೃಷ್ಣ ಸೇವಾ ಬಳಗ ಹಾಗೂ ಶ್ರೀ ಅದಮಾರು ಮಠ ವತಿಯಿಂದ ಶ್ರೀ ಪೂರ್ಣಪ್ರಜ್ಞ ಆಡಿಟೋರಿಯಂನಲ್ಲಿ ಇಂದು ಮಧ್ಯಾಹ್ನ 3.30ಕ್ಕೆ ವಿಶ್ವಾರ್ಪಣಮ್ ಕಾರ್ಯಕ್ರಮದಲ್ಲಿ ಪೇಜಾವರ ಮಠಾಧೀಶ ಶ್ರೀ ವಿಶ್ವಪ್ರಸನ್ನತೀರ್ಥ ಶ್ರೀಪಾದರಿಗೆ ‘ಗುರುವಂದನೆ’ ಸಲ್ಲಿಸಲಾಗುವುದು ಎಂದು ಶ್ರೀ ಕೃಷ್ಣ ಸೇವಾ ಬಳಗ ಸಂಚಾಲಕ ಗೋವಿಂದರಾಜ್ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.
ಅದಮಾರು ಮಠದ ಶ್ರೀ ಈಶಪ್ರಿಯ ತೀರ್ಥ ಶ್ರೀಪಾದರು ಹಾಗೂ ಪೇಜಾವರ ಶ್ರೀ ಪಾದರು ಗೋ’ಅವಿನಾಶಿ ಭಾರತ’ ಎಂಬ ವಿಷಯಗಳ ಬಗ್ಗೆ ಉಪನ್ಯಾಸ ನೀಡುವರು. ಸಾಧಕರಾದ ನಿವೃತ್ತ ಪ್ರಾಧ್ಯಾಪಕ ಬಿ.ಎಂ.ಸೋಮಯಾಜಿ, ವಿ.ಕೆ.ಹರಿದಾಸ್ ಹಾಗೂ ಫರಂಗಿಪೇಟೆ ಆಂಜನೇಯ ದೇವಸ್ಥಾನ ಆಡಳಿತ ಮಂಡಳಿಯನ್ನು ಗೌರವಿಸಲಾಗುವುದು. ದೇಶೀಯ ಗೋವುಗಳ ಪೋಷಣೆಗಾಗಿ ಗೋಗ್ರಾಸ ನಿಧಿಗೆ ದೇಣಿಗೆ ನೀಡಲು ಅವಕಾಶವಿದ್ದು, ಕಾರ್ಯಕ್ರಮದ ನಂತರ ಶ್ರೀಪಾದರು ಅಯೋಧ್ಯೆಯ ಶ್ರೀ ರಾಮನ ಮಂತ್ರಾಕ್ಷತೆ ವಿತರಿಸಲಿದ್ದಾರೆ ಎಂದು ತಿಳಿಸಿದರು.
ಅಭಿನಂದನಾ ಸಮಿತಿ ಸದಸ್ಯರಾದ ಓಂಪ್ರಕಾಶ್, ನಟೇಶ್, ಶ್ಯಾಮಪ್ರಸಾದ್ ಕುಡ್ಡ, ಅಜಿತ್, ಸುಮಿತ್ರಾ ಕೆರೆಮಠ, ವಿಷ್ಣುಪ್ರಸಾದ್ ಪಾಡಿಗಾರು, ನಳಿನಿ ಪ್ರದೀಪ್‌ ರಾವ್‌ ಸುದ್ದಿಗೋಷ್ಠಿಯಲ್ಲಿದ್ದರು.
