ಡೆಲ್ಲಿ ಕ್ಯಾಪಿಟಲ್ಸ್ v/s ಪಂಜಾಬ್

ಚಂಡಿಗಢ: ವಿಕೆಟ್ ಕೀಪ‌ರ್ ಹಾಗೂ ಬ್ಯಾಟರ್ ರಿಷಭ್ ಪಂತ್ ಹಲವಾರು ಜವಾಬ್ದಾರಿಗಳೊಂದಿಗೆ ಮತ್ತೆ ಕ್ರಿಕೆಟ್‌ಗೆ ಮರಳಿದ್ದಾರೆ. ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಇಂದು ಐಪಿಎಲ್‌ ನಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡವನ್ನು ಎದುರಿಸುತ್ತಿದೆ ಪಂದ್ಯಾಟ ಮಧ್ಯಾಹ್ನ 3.30 ಕ್ಕೆ ನಡೆಯಲಿದೆ

ಇಲ್ಲಿನ ನೂತನ ಮೈದಾನ ಮುಲಾನ್‌ಪುರದಲ್ಲಿ ಆತಿಥೇಯ ಕಿಂಗ್ಸ್ ಇಲವೆನ್ ಪಂಜಾಬ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ತಂಡಗಳು ಶುಭಾರಂಭ ಮಾಡಲು ಹೋರಾಡಲಿವೆ. ಪಂಜಾಬ್ ಎದುರು ಡೆಲ್ಲಿ ಗೆಲ್ಲುವ ನೆಚ್ಚಿನ ತಂಡವೆನಿಸಿದೆ. ಈ ಹಿಂದಿನ ಆವೃತ್ತಿಯಲ್ಲಿ ಎರಡೂ ತಂಡಗಳೂ ಕಳಪೆ ಪ್ರದರ್ಶನ ನೀಡಿದ್ದವು. ಭೀಕರ ಅಪಘಾತದಿಂದ ಚೇತರಿಸಿಕೊಂಡು ಮರಳಿ ಬಂದಿರುವ ರಿಷಭ್ ಪಂತ್ ಎಲ್ಲರ ಕೇಂದ್ರ ಬಿಂದುವಾಗಿದ್ದಾರೆ. ಗಾಯದಿಂದ ಪಂತ್ ವೇಗವಾಗಿ ಗುಣಮುಖರಾಗಿದ್ದು ಎಲ್ಲರಿಗೂ ಅಚ್ಚರಿಯನ್ನ ನೀಡಿದೆ. ಈ ಹಿಂದಿನಂತೆ ಪಂತ್ ಬ್ಯಾಟಿಂಗ್ ಮತ್ತು ವಿಕೆಟ್ ಕೀಪಿಂಗ್ ಮಾಡುವ ಸಾಮರ್ಥ್ಯ ಹೊಂದಿದ್ದಾರೆ. ಜತೆಗೆ ನಾಯಕತ್ವದ ಜವಾಬ್ದಾರಿಯನ್ನು ನಿಭಾಯಿಸಬೇಕಿದೆ.