ಗಂಗೊಳ್ಳಿ ಕವಿಗೋಷ್ಠಿ:
ಕುಂದಾಪುರ:ಕುಂದಾಪುರ ತಾಲೂಕು ಕನ್ನಡ ಸಾಹಿತ್ಯ ಸಮ್ಮೇಳನವು ಗಂಗೊಳ್ಳಿಯ ಸರಸ್ವತಿ ಪದವಿ ಪೂರ್ವ ಕಾಲೇಜಿನ ವಠಾರದಲ್ಲಿ ನಡೆಯಲಿದ್ದು 11.30ರಿಂದ ಕವಿಗೋಷ್ಠಿ, ಮಧ್ಯಾಹ್ನ 1.15ರಿಂದ ಕೋ.ಶಿ.ಕಾರಂತರ ಬದುಕು ಮತ್ತು ಬರಹ ವಿಚಾರಗೋಷ್ಠಿ, 3.45ರಿಂದ ಕುಂದಾಪ್ರ ಕನ್ನಡ ಸಂವಾದ ಕಾರ್ಯಕ್ರಮ ನಡೆಯಲಿದೆ. ಸಂಜೆ 4.30ರಿಂದ ನಡೆಯಲಿರುವ ಸಮಾರೋಪ ಸಮಾರಂಭದಲ್ಲಿ ಉದ್ಯಮಿ ಎನ್.ಟಿ.ಪೂಜಾರಿ ಸಾಧಕರನ್ನು ಸನ್ಮಾನಿಸಲಿದ್ದಾರೆ. ಹೊನ್ನಾವರದ ಪತ್ರಕರ್ತ ಕೃಷ್ಣಮೂರ್ತಿ ಹೆಬ್ಬಾರ್ ಸಮಾರೋಪ ಭಾಷಣ ಮಾಡಲಿದ್ದಾರೆ. ಸಮ್ಮೇಳನಾಧ್ಯಕ್ಷ ಕೋ.ಶಿವಾನಂದ ಕಾರಂತ್, ಉಡುಪಿ ಜಿಲ್ಲಾ ಕಸಾಪ ಮಾಜಿ ಅಧ್ಯಕ್ಷ ಎ.ಎಸ್.ಎನ್.ಹೆಬ್ಬಾರ್, ಉಡುಪಿ ಜಿಲ್ಲಾ ಕಸಾಪ ಅಧ್ಯಕ್ಷ ನೀಲಾವರ ಸುರೇಂದ್ರ ಅಡಿಗ ಮೊದಲಾದವರು ಸಮಾರಂಭದಲ್ಲಿ ಪಾಲ್ಗೊಳ್ಳಲಿದ್ದಾರೆ.
ಸಮ್ಮೇಳನದಲ್ಲಿ ಗಾಯಕ ಗಣೇಶ ಗಂಗೊಳ್ಳಿ ಅವರಿಂದ ಗಾನ ಲಹರಿ ಕಾರ್ಯಕ್ರಮ, ಚಿಣ್ಣರ ವಾದ್ಯ ವೈವಿಧ್ಯ, ಕುಂದಾಪ್ರ ಕನ್ನಡ ಪ್ರಹಸನ, ಸಂಜೆ 6 ಗಂಟೆಯಿಂದ ರಾಷ್ಟ್ರೀಯ ನಾಟಕ ಸ್ಪರ್ಧೆಯಲ್ಲಿ ಬಹುಮಾನ ಪುರಸ್ಕøತ ನಾಟಕ ಬರ್ಬರೀಕ ಪ್ರದರ್ಶನಗೊಳ್ಳಲಿದೆ.
