ಭಾರತೀಯ ಸಂಸ್ಕ್ರತಿ ವಿಶ್ವವ್ಯಾಪಿ

ಹೊಸದಿಲ್ಲಿ: ಭಾರತೀಯ ಸಂಪ್ರದಾಯಗಳು ಮತ್ತು ದೇಶೀ ಉತ್ಪನ್ನಗಳಿಗೆ ವಿದೇಶಗಳಲ್ಲಿನ ಸ್ವೀಕಾರಾರ್ಹತೆ ದಿನೇ ದಿನೇ ಹೆಚ್ಚುತ್ತಿದೆ. ಜಗತ್ತಿನಾದ್ಯಂತ ಭಾರತೀಯ ಸಂಸ್ಕೃತಿ ಅಪಾರ ಮನ್ನಣೆ ಪಡೆಯುತ್ತಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಮೆಚ್ಚುಗೆ ವ್ಯಕ್ತಪಡಿಸಿದರು. ಮನ್ ಕಿ ಬಾತ್‌ನಲ್ಲಿ ಈ ಮಾಹಿತಿ ನೀಡಿದ ಪ್ರಧಾನಿ, ಕುವೈತ್ ರೇಡಿಯೋದಲ್ಲಿ ಪ್ರಸಾರವಾದ ಹಿಂದಿ ಕಾರ್ಯಕ್ರಮವೊಂದರ ಕ್ಲಿಪ್‌ನ್ನು ಪ್ಲೇ ಮಾಡಿದರು. ಕುವೈತ್ ಸರ್ಕಾರ ತನ್ನ ರಾಷ್ಟ್ರೀಯ ಬಾನುಲಿಯಲ್ಲಿ ವಿಶೇಷವಾದ ಹಿಂದಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದೆ. ಪ್ರತೀ ಭಾನುವಾರ ಅರ್ಧ ತಾಸು ಈ ಕಾರ್ಯಕ್ರಮ ಪ್ರಸಾರವಾಗುತ್ತಿದೆ.