ಸಂಪನ್ನಗೊಂಡ ಚಿತ್ರಕೂಟ ಪ್ರತಿಷ್ಠಾಪನಾ ಮಹೋತ್ಸವ

ಕುಂದಾಪುರ : ಕುಂದಾಪುರ ನಗರದ ಕೋಡಿಯ ಕೋಟೆ ಶ್ರೀ ಜಟ್ಟಿಗರಾಯ ದೇವಸ್ಥಾನದ ವಠಾರದಲ್ಲಿ ಉಡುಪಿ ಜಿಲ್ಲೆಯಲ್ಲೇ ಪ್ರಪ್ರಥಮವಾದ ಚಿತ್ರಕೂಟ ನಾಗಬನದ ಪ್ರತಿಷ್ಠಾಪನ ಮಹೋತ್ಸವವು ಸಂಪನ್ನಗೊಂಡಿತು

ತಂತ್ರಿಗಳಾದ ಮಾಧವ ನಾವುಡರ ನೇತೃತ್ವದಲ್ಲಿ ಜುಲೈ 08 ರಂದು ಸೋಮವಾರ ರಾತ್ರಿ ಗಂಟೆ 7.00 ರಿಂದ ವಾಸ್ತು ಪೂಜೆ, ರಾಕ್ಷೋಘ್ನ ಹೋಮ, ಅಧಿವಾಸ ಪೂಜಾ ಬಲಿ, ಆಶ್ಲೇಷಾ ಬಲಿ ಹಾಗೂ ಮಂಗಳವಾರ ಬೆಳಿಗ್ಗೆ ಗಣಪತಿ ಆರಾಧನೆ, ಪುಣ್ಯಾಹ ವಾಚನ, ದೇವನಾಂದಿ, ಪ್ರತಿಷ್ಠಾ ಹೋಮ, ಬಿಂಬ ಪ್ರತಿಷ್ಠೆ, ಸರ್ಪ ಮೂಲಮಂತ್ರ ಹೋಮ, ಪ್ರತಿಷ್ಠಾ ಕಲಾಪೂರ್ವಕ ಕಲಶ ಸ್ಥಾಪನೆ, ಕಲಾಭಿಷೇಕ, ಮಹಾಪೂಜೆ, ನಾಗದರ್ಶನದೊಂದಿಗೆ ಪ್ರಸಾದ ವಿತರಣೆ ಹಾಗೂ ಅನ್ನಸಂತರ್ಪಣೆ ಜರುಗಿತು ಸಂಜೆ ಗಂಟೆ 4.00ಕ್ಕೆ ರಾಮಕ್ಷತ್ರಿಯ ಮಹಿಳಾ ಮಂಡಳಿ ಕೋಡಿ ಇವರಿಂದ ಭಜನೆ ನಡೆಯಿತು

ಪ್ರತಿಷ್ಠಾಪನ ಮಹೋತ್ಸವದಲ್ಲಿ ಜೀರ್ಣೋದ್ದಾರ ಸಮಿತಿಯ ಸದಸ್ಯರು ಹಾಗೂ ನಾಲ್ಕು ಕವಲಿನ ಹವಲ್ದಾರ್‌ ಕುಟುಂಬಸ್ಥರು ಉಪಸ್ಥಿತರಿದ್ದರು