42
ಕೋಟ : ಹಂಗಾರಕಟ್ಟೆ ಶ್ರೀ ಮಠ ಬಾಳೆಕುದ್ರು ಏಳನೇ ಶರನ್ನವರಾತ್ರಿ ಮಹೋತ್ಸವದ ಪುಣ್ಯ ಪರ್ವ ಕಾಲದಲ್ಲಿ ಚಂಡಿಕಾ ಯಾಗ ಇನ್ನಿತರ ಧಾರ್ಮಿಕ ಕಾರ್ಯಕ್ರಮಗಳು ಜರಗಿದವು.ಬುಧವಾರದ ಧಾರ್ಮಿಕ ಕಾರ್ಯಕ್ರಮದ ಸೇವಾಕರ್ತರಾಗಿ ಪುತ್ತೂರಿನ ಡಾ.ಅವಿನಾಶ ಕಲ್ಲೂರಾಯ ಕುಟುಂಬಿಕರು ಭಾಗಿಯಾದರು.
ಅಪರಾಹ್ನ ಅನ್ನಸಂತರ್ಪಣೆ ,ವಿಪ್ರ ಮಹಿಳಾ ಭಜನಾ ತಂಡ ಸಾಲಿಗ್ರಾಮ ಇವರಿಂದ ಭಜನಾ ಕಾರ್ಯಕ್ರಮ,ವಿದೂಷಿ ಮಂಜುಳ ಸುಬ್ರಹ್ಮಣ್ಯ ಪೂತ್ತೂರ ಇವರ ಶಿಷ್ಯೆ ಅವನಿ ಕಲ್ಲೂರಾಯ ಪುತ್ತೂರು ಇವರಿಂದ ಭರತನಾಟ್ಯ ಸೇವೆ ಸಂಪನ್ನಗೊಂಡಿತು.ಶ್ರೀ ಮಠದ ವ್ಯವಸ್ಥಾಪನ ಸಮಿತಿ ಅಧ್ಯಕ್ಷ ರಾಜಶೇಖರ ಕಲ್ಕೂರ,ಸಮಿತಿ ಸದಸ್ಯ ಪಾಮರ ಚಡಗ,ಮಠದ ವ್ಯವಸ್ಥಾಪಕ ಮಂಜುನಾಥ ಬಟ್ ಉಪಸ್ಥಿತರಿದ್ದರು.
